„დღევანდელი შეხვედრა აჩვენებს, რომ ზელენსკი მარტო არ არის, მას მხარს უჭერს თავისუფალი სამყარო, რომელიც უკრაინასთან ერთად არ დაუშვებს რუსეთის გამარჯვებას. უკრაინის გამარჯვებით ჩვენც გავიმარჯვებთ“, - განაცხადა „ნაციონალური მოძრაობის“ პარტიის თავმჯდომარემ, თინა ბოკუჩავამ.

„ჩემი აზრით, დღევანდელ შეხვედრაზე ყველაზე მნიშვნელოვანი ის არის, რომ ვაჩვენოთ, რომ ზელენსკი, უკრაინა და უკრაინელი ხალხი მარტო არ არიან. ზელენსკისთან შეხვედრას ესწრებიან ნატოს გენერალური მდივანი მარკ რუტე, ევროკომისიის პრეზიდენტი ურსულა ფონ დერ ლაიენი, გერმანიის კანცლერი მერცი, საფრანგეთის პრეზიდენტი ემანუელ მაკრონი და ბრიტანეთის პრემიერ-მინისტრი შტრომერი და ეს ყველაფერი იმის დასტურია, რომ უკრაინელი ხალხი მარტო არ არის თავისუფლებისთვის ბრძოლაში და რომ თავისუფალი სამყარო მხარს უჭერს მათ. სწორედ ამიტომ, ისინი, უკრაინელ ხალხთან ერთად, არ დაუშვებენ რუსეთის გამარჯვებას, თავისუფლების წარუმატებლობას და უკრაინის წარუმატებლობას, როგორც ამას ივანიშვილი ელის და სურს. უკრაინის გამარჯვებით ჩვენც, ქართველი ხალხი, რომელიც იმავე ღირებულებებისთვის ვიბრძვით, რისთვისაც უკრაინელი ხალხი იბრძვის, გავიმარჯვებთ“, - განაცხადა თინა ბოკუჩავამ.

ავტორი: ექსპრესნიუსი,

სოციალური ქსელები

ნავროცკიმ ზელენსკის მიმართა „თეთრი არწივის“ სკანდალის ფონზე

ღობის საქმის მოსამართლე: თქვენ ყველანი პატიოსანი ადამიანები ხართ, მაგრამ კანონი დაარღვიეთ

ევროპის საბჭოს საპარლამენტო ასამბლეის რეზოლუციის პროექტში საქართველოში დემოკრატიის უკუსვლაზეა საუბარი

უკრაინის შეიარაღებულმა ძალებმა ვორონეჟში რაკეტსაწინააღმდეგო ნახევარგამტარების ქარხანაზე იერიში მიიტანეს