2016-03-21 13:29:11, 1191 ნახვა
კომენტარი
აბაშიძე: კითხვა - რაზე მოილაპარაკეს პრაღაში, მთლიანად მართებული არ არის
„პრაღის ფორმატი, არაფორმალური დიალოგის ფორმატია და ამ ფორმატის მონაწილეები რაიმე ვალდებულებას არ ვიღებთ“,-ამის შესახებ პრემეირმინისტრის წარმომადგენელმა რუსეთთან ურთიერთობის საკითხებში ზურაბ აბაშიძემ დღევანდელ ბრიფინგზე განაცხადა.
ამიტომ, აბაშიძის შეფასებით, როდესაც ისმება კითხვა-რაზე მოილაპარეკს პრაღაში, მთლიანად მართებული არ არის.
„შეგახსენებთ, რომ ეს არის არაფორმალური დიალოგის ფორმატი, ვალდებულებებს იქ არ ვიღებთ მონაწილეები, არც რაიმე დოკუმენტი ფორმდება და დიალოგის მიმდინარეობს თავისუფალ არაფორმალურ ვითარებაში. ამიტომ, ხშირად, როდესაც ისმება კითხვა-რაზე მოილაპარეკს პრაღაში, არ არის მთლიანად მართებული იმიტომ, რომ იქ ვერაფერზე ვერ მოვილაპარაკებთ ჩვენ. ჩვენი მანდატია, ჩამოვიტანოთ ის ინფორმაცია თბილისში, რაზეც იქ იქნება საუბარი“,-განაცხადა აბაშიძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
