ტიპი, ჩვეულებრივი რადიკალი გახდა. ასეთ მოცემულობაში, შეიძლება, საკითხი დავაყენო, რომ ეს ელჩი [გერმანიის ელჩი, პიტერ ფიშერი] გაძევებული იყოს - ჩემი სუბიექტური აზრია, რომ ელჩები, ვინც მავნებლობენ, რადიკალებს ენაცვლებიან და სახელმწიფოს წინააღმდეგ მოქმედებენ, მგონია, რომ უნდა გავაძევოთ, - ამის შესახებ პარლამენტის დიასპორის საკითხთა კომიტეტის თავმჯდომარემ, ირაკლი ზარქუამ განაცხადა.

როგორც მან აღნიშნა, დიპლომატს რაც კი საერთაშორისო კონვენციით პასუხისმგებლობა და ვალდებულება აქვს, გერმანიის ელჩმა ყველაფერს ხაზი გადაუსვა და რადიკალი გახდა.

მისი თქმით, ის ქართველ და გერმანელ ხალხთა შორის ურთიერთობების გაჯანსაღებას კი არა, არამედ ქვეყნების დაპირისპირებას ემსახურება.

„ბრიტანეთის ინტერესები გასაგებია - პატარა სახელმწიფოების მიმართ ისევ კოლონიალური დამოკიდებულება აქვთ და ჰგონიათ, რომ როგორც 2012 წლამდე იყო, როცა ელჩები ჰყავდათ გუბერნატორებად, მათ შორის, საქართველოში და ყველაფერი მათთან თანხმდებოდა, ეს პერიოდი წარსულს ჩაბარდა და ამას ვერ ეგუებიან. ეს ხელმოცარულები, ვინც აქ დარჩათ, აგენტურა, ვერაფერს აკეთებენ. ერთი, მეორე, მესამე, მეოთხე რევოლუციის მცდელობა ჰქონდათ და არაფერი გამოუვიდათ. ახლა ამათ ელჩები ჩაენაცვლათ. ანუ, ელჩები რადიკალები გახდნენ, მათ შორის ბრიტანეთის. რადიკალებს წინასაარჩევნო მონიტორინგს უფინანსებდა და შემდეგ, იმ ხალხს რა დასკვნა უნდა დაედო, ვინც მიტინგზე დგას და ჩამოგდებით გვემუქრება. ისინი ობიექტურ დასკვნას დადებდნენ? - ამას ბრიტანეთის ელჩი აფინანსებდა. ამ ყველაფერს „გამჭვირვალეობის შესახებ“ კანონმა ხელი შეუშალა და ეტყობა, გაბრაზდნენ, ძალიან ეტკინათ. ხოშტარიამ შიმშილობა კი შეწყვიტა და იმედია, გედიმაც, მაგრამ გერმანიის ელჩი ფიშერი ხომ არ ჩაენაცვლათ, იმდენად აქცენტირებულია და ყველაფერს ხაზი გადაუსვა, რაც კი დიპლომატიური ვალდებულება, პასუხისმგებლობა არსებობს. ტიპი, ჩვეულებრივი რადიკალი გახდა. ასეთ მოცემულობაში, შეიძლება, საკითხი დავაყენო, რომ ეს ელჩი გაძევებული იყოს, რადგან ქართველ და გერმანელ ხალხებს შორის ურთიერთობის გაჯანსაღებას კი არ ემსახურება, არამედ ქვეყნების დაპირისპირებას. ამის საფუძველი რა არის, გაგვაგებინოს, რატომ უნდა, რომ აგენტურა დასვას? იმიტომ, რომ სახელმწიფო ინტერესები დავიცავით? - ქართველმა ხალხმა გარკვევით თქვა, რომ ომი არ უნდა, მშვიდობა არჩია, ეროვნული ღირებულებები დაიცვა. ფიშერის პარტიის წარმომადგენელი გერმანიაში ჩამოაგდეს, შოლცი აღარ არის, მისი დანიშნულია და მაინც მავნებლობას აგრძელებს. ეს ჩემი სუბიექტური აზრია - ელჩები, ვინც მავნებლობენ, რადიკალებს ენაცვლებიან და სახელმწიფოს წინააღმდეგ მოქმედებენ, მგონია, რომ უნდა გავაძევოთ“, - განაცხადა ზარქუამ.

ავტორი: ექსპრესნიუსი,

სოციალური ქსელები

რეჟიმის წარმომადგენელი კობახიძე კვლავ თვს ესხმის დიდ ბრიტანეთს და მის მოქმედ პრემიერს

სქროლვა-სქრინვის სამმართველო მოქალაქეს ივანიშვილის წყევლის გამო ან ჯარიმას დაუწესებს ან 20 დღე ციხეში გაუშვებს

რეჟიმის წარმომადგენელი კობახიძე სქროლვა-სქრინვის სამსახურს ოპტიმიზმით უყურებს

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით