2025-05-22 21:24:52, 1494 ნახვა
პოლიტიკა
რუსთაველის გამზირზე საპროტესტო აქცია მიმდინარეობს
რუსთაველის გამზირზე საპროტესტო აქცია განახლდა.
უწყვეტი პროტესტის 176-ე დღესაც, საკანონმდებლო ორგანოსთან შეკრებილმა მოქალაქეებმა საავტომობილო გზა გადაკეტეს.
აქციის დაწყებისას პარლამენტთან პოლიციის მობილიზება შეინიშნებოდა, თუმცა, მას შემდეგ, რაც მომიტინგეებმა სავალი გზა გადაკეტეს, სამართალდამცველებმა ტერიტორია დატოვეს და ჩიტაძისა და ჭიჭინაძის ქუჩებზე გადანაწილდნენ.
დემონსტრანტების მოთხოვნები უცვლელია - დაინიშნოს ახალი არჩევნები და გათავისუფლდნენ აქციების პერიოდში დაკავებული პირები.
პარალელურად, აქცია მიმდინარეობს საზოგადოებრივი მაუწყებლის შენობასთან, საიდანაც მოქალაქეები საპროტესტო მსვლელობით რუსთაველის გამზირისკენ გადმოინაცვლებენ და პარლამენტთან მიმდინარე აქციას შეუერთდებიან.
ავტორი: ექსპრესნიუსი,
epn.ge (@expressnews.ge)
