პრემიერის თანაშემწემ ადამიანის უფლებების საკითხებში პრეზენტაცია გამართა

2016-03-16 15:51:15, 578 ნახვა

საზოგადოება

პრემიერ–მინისტრის თანაშემწემ ადამიანის უფლებებისა და გენდერული თანასწორობის საკითხებში, სოფო ჯაფარიძემ, გაეროს ქალთა სტატუსის კომისიის მე–60 სესიის ფარგლებში, პრეზენტაცია გამართა.

მთავრობის ადმინისტრაციის პრესსამსახურის ინფორმაციით, პრეზენტაცია ქალთა და გოგონათა წინააღმდეგ ძალადობის ყველა ფორმის პრევენციასა და აღმოფხვრას ეხებოდა.

სოფო ჯაფარიძემ ისაუბრა აღნიშნული მიმართულებით უკანასკნელ წლებში საქართველოს მიერ გადადგმულ ნაბიჯებზე, მიღწეულ პროგრესსა და არსებულ გამოწვევებზე. გამოსვლის ფარგლებში პრემიერ-მინისტრის თანაშემწემ გაეროს წევრ ქვეყნებს გაუზიარა ქალთა და გოგონათა წინააღმდეგ ძალადობის ყველა ფორმის პრევენციასა და აღმოფხვრის კუთხით საქართველოს მიერ შეძენილი გამოცდილება და საუკეთესო პრაქტიკა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან