სამწუხაროდ, ევროკავშირის მხრიდან ჩვენ ვხედავთ არასამართლიან მიდგომებს საქართველოსთან დაკავშირებით, საქართველო და ევროკავშირი ერთმანეთისთვის საჭიროები არიან, – ამის შესახებ ,,ქართული ოცნების" საგარეო საქმეთა მინისტრმა, მაკა ბოჭორიშვილმა განაცხადა.

მაკა ბოჭორიშვილს კითხვა დაუსვეს აზერბაიჯანის პრეზიდენტ ილჰამ ალიევის განცხადების იმ ნაწილზე, სადაც ალიევი აღნიშნავს: „მიუღებელია ევროკომისიაში საქართველოს შიდა პროცესისადმი დამოკიდებულება. ეს კოლონიალისტების ქცევაა, შიდა საკითხები ხალხმა უნდა გადაწყვიტოს და არა ბრიუსელის ბიუროკრატებმა“.

ამასთან, ბოჭორიშვილის თქმით, ევროპის მხრიდან ცენტრალურ აზიასთან დაკავშირებადობაზე საუბრისას, შეუძლებელია, საქართველო არ იყოს ამ ყველაფრის მთავარი შემადგენელი ნაწილი.

„საქართველოსაც სჭირდება ევროკავშირი და ასეთივე დოზით სჭირდება ევროკავშირს საქართველო, განსაკუთრებით მაშინ, როდესაც საუბარი შეეხება დაკავშირებადობას, ცენტრალური აზიის ქვეყნებთან ურთიერთობებს და ალბათ ეს შეეხებოდა სწორედ იმ პროცესებს, რაც სულ ცოტა ხნის წინ ვიხილეთ ცენტრალურ აზიაში, ევროკომისიის ვიზიტთან და თანამშრომლობის გეგმებთან დაკავშირებით. მაშინ, როდესაც ევროპა საუბრობს ცენტრალურ აზიასთან დაკავშირებადობაზე, შეუძლებელია, საქართველოსთან ურთიერთობები გამოტოვო ამ დიალოგიდან და საქართველო არ იყოს ამ ყველაფრის მთავარი შემადგენელი, მდგენელი ნაწილი“, – აღნიშნა მაკა ბოჭორიშვილმა.

ავტორი: ექსპრესნიუსი,

სოციალური ქსელები

PASHA Bank-ის IPO აზერბაიჯანში - თიბისი კაპიტალი ტრანზაქციის ექსკლუზიური ფინანსური მრჩეველი იყო

სტრასბურგის სასამართლომ ე.წ. FARA-ს და გრანტების კანონზე კომუნიკაციის ეტაპი დაიწყო

ვენესუელაში მიწისძვრის შედეგად დაღუპულთა რიცხვი 235-მდე გაიზარდა, 50 000 დაკარგულად ითვლება

კობახიძე: კორუფცია ხელისუფლების ზედა ეშელონებში პრინციპულად აღმოფხვრილი, დამარცხებულია