ისრაელის პოლიციამ ისრაელის პრემიერმინისტრის, ბენიამინ ნეთანიაჰუს ორი უახლოესი მრჩეველი, იონათან ურიხი და ელ ფელდშტეინი კატარის მთავრობასთან არალეგალური კავშირების ეჭვის საფუძველზე დააკავა.

მრჩევლები 31 მარტს დააკავეს. დაკავებები ადგილობრივ მედიაში კათარგეითის სახელით ცნობილ გამოძიებას უკავშირდება, რომელიც შესაძლო უცხოურ გავლენას, ეროვნული უსაფრთხოების დარღვევებსა და პოლიტიკურ დანაშაულებს იძიებს.

დაკავებებიდან მალევე, ნეთანიაჰუ იერუსალიმში, საკუთარ ოფისში დაკითხვაზე დაიბარეს. 

ნეთანიაჰუ საქმეში ეჭვმიტანილად არ არის მოხსენიებული. მედიის ცნობით, ის გამოიკითხა როგორც პიროვნება, რომელსაც შეიძლება ჰქონდეს ინფორმაცია ამ საქმეზე.

დაკავება განხორციელდა Lahav 433-ის, ისრაელის ელიტური ანტიკორუფციული და მძიმე დანაშაულების დანაყოფის მიერ, შინ ბეტთან (ისრაელის შიდა უსაფრთხოების სააგენტო) კოორდინაციით. გამოძიება სასამართლოს მიერ დაწესებული ინფორმაციის გავრცელების აკრძალვის (gag order) პირობებში მიმდინარეობს, რომელიც ძალაში 10 აპრილამდე რჩება.

საქმე ეყრდნობა ბრალდებებს, რომ ელი ფელდშტეინი, ნეთანიაჰუს ყოფილი პრესმდივანი, ერთდროულად მუშაობდა საერთაშორისო კომპანიაში, რომელსაც კატარი ქირაობდა, და ამავე დროს იკავებდა პოზიციას პრემიერმინისტრის ოფისში. გამომძიებლების თქმით, ფელდშტეინი თითქოსდა ისრაელის მედიაში "პროკატარულ ნარატივს" ავრცელებდა, პარალელურად კი კატარისგან ფულად ანაზღაურებას იღებდა.

ავტორი: ექსპრესნიუსი,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს