"ძლიერი საქართველოს" ერთ-ერთი ლიდერი საბა ბუაძე "ოცნების" მიერ ნარკოპოლიტიკის გამკაცრებას "აბსურდს" და "ცინიზმს" უწოდებს. ოპოზიცონერი პოლიტიკოსი მიიჩნევს, რომ ამ კუთხით ივანიშვილის ხელისუფლებას რაიმე ცვლილების რესურსი არ აქვს. 

ბუაძე ამბობს, რომ ქვეყანაში საჭიროა ევროპული ტიპის ნარკოპოლიტიკა, რომელიც მომხმარებლების დასჯიდან მათზე ზრუნვაზე იქნება ფოკუსირებული.

როდესაც თავად ივანიშვილი სულ რაღაც რამდენიმე წლის წინ აპირებდა საქართველოში მარიხუანას პლანტაციების გაშენებას, სრული აბსურდი და ცინიზმია, რომ მათ ნარკოპოლიტიკის რეფორმის თვალსაზრისით რაიმეს ცვლილების რესურსი აქვთ. ჩვენ გვჭირდება ევროპული ტიპის ნარკოპოლიტიკა, რომელიც მომხმარებლების დასჯიდან მათზე ზრუნვაზე იქნება ფოკუსირებული და ბევრ სხვადასხვა ტიპის ზიანის შემცირების პროგარამას შეუწყობს ხელს იმისთვის, რომ ჩვენ ყოვეწლიურად გვყავდეს უფრო და უფრო ნაკლები ახალი მომხმარებელი, - ამბობს საბა ბუაძე. 

არცერთი კითხვა, არცერთი განსხვავებული მოსაზრება და არანაირი მსჯელობა - პარლამენტის ადამიანის უფლებათა კომიტეტის სხდომაზე "ოცნებამ" ახალი რეპრესიული კანონი პირველი მოსმენით მიიღო. საუბარია საკანონმდებლო პაკეტზე, რომლის ამოქმედების შედეგად, ნარკოტიკებთან, მათ შორის მცენარე კანაფთან და მარიხუანასთან დაკავშირებულ ქმედებებზე პასუხისმგებლობა მკაცრდება.  ნარკოპოლიტიკის გამკაცრების ფარგლებში, სისხლის სამართლის კანონმდებლობას რამდენიმე ახალი მუხლი ემატება.  

ავტორი: ექსპრესნიუსი,

სოციალური ქსელები

ვენესუელაში მიწისძვრის შედეგად დაღუპულთა რიცხვი 1430-მდე გაიზარდა

ALGORITHM WATCH:შსს-მ სახის ამომცნობი კამერები მოსკოვში დაფუძნებული კომპანიისგან შეისყიდა

პატარიძე ხოშტარიაზე: ექიმის დასკვნის გარეშე ბრიფინგებით საუბარი "აბსურდის თეატრია"

მზადება ახალი თავგადასავლისთვის - თიბისის მობაილბანკში მასშტაბური მარათონი ბრუნდება