2025-03-03 22:03:24, 739 ნახვა

---

სალომე ზურაბიშვილი - მინდა, ყველა დედას მაინც მივულოცო ეს დღე, რადგან ყველა დედა ბედნიერია, როდესაც ისეთი შვილი ჰყავს, რომელიც ღირსეულად იცავს თავის ქვეყანას

Საქართველოს მე-5 პრეზიდენტმა, სალომე ზურაბიშვილმა, მოსახლეობას მიმართა.

 “მინდა მოვუწოდო სხვა დედებს, რომლებიც დღეს სახლში არიან და სჯერათ ამ მოჩვენებითი მშვიდობის და სჯერათ, რომ ვიღაცამ მოუპოვა მშვიდობა - არა, ეს მშვიდობა თუ იქნება მოპოვებული, მოპოვებული იქნება ბავშვების მიერ, რომლებმაც ღირსეულად გაუძლეს ყველაფერს, გაუძლებენ კიდეც, თავისუფლებიც იქნებიან და მათთან ერთად ქვეყანა იქნება თავისუფალი “, - ზურაბიშვილმა „დედების მარშზე" განაცხადა. 

ზურაბიშვილის თქმით, „სანამ ჩვენი შვილები არ იქნებიან თავისუფალნი“, იქ არ არის ნამდვილი მშვიდობა. 

„მინდა ვთქვა რამდენად მნიშვნელოვანია ის, რომ დღეს ყველა ქალი, დედა დადგეს და წამოვიდეს რუსთაველზე იმისთვის, რომ თავიანთი შვილებისთვის სამართალი მოითხოვონ, რადგან როგორც აქ ამბობენ, სადაც სამართალი არ არის, იქ არ არის მშვიდობა, იქ არ არის ნამდვილი მშვიდობა, ეს არის მოჩვენებითი მშვიდობა, სანამ ჩვენი შვილები (ისინი არიან ჩვენი კოლექტიური შვილები) არ იქნებიან თავისუფალნი. 

მინდა, ყველა დედას მაინც მივულოცო ეს დღე, რადგან ყველა დედა ბედნიერია, როდესაც ისეთი შვილი ჰყავს, რომელიც ღირსეულად იცავს თავის ქვეყანას. მინდა, მოვუწოდო სხვა დედებს, რომლებიც დღეს სახლში არიან და სჯერათ ამ მოჩვენებითი მშვიდობის და სჯერათ, რომ ვიღაცამ მოუპოვა მშვიდობა - არა, ეს მშვიდობა თუ იქნება მოპოვებული , მოპოვებული იქნება ამ ბავშვების მიერ, რომლებმაც ღირსეულად გაუძლეს ყველაფერს, გაუძლებენ კიდეც, იქნებიან თავისუფლებიც და მათთან ერთად ქვეყანა იქნება თავისუფალი. 

დღევანდელ დღეს ვულოცავ დედებს, რომლებიც საზღვარგარეთ არიან, რომლებსაც არ აქვთ საშუალება, რომ შვილებთან ერთად იყვნენ. დარწმუნებული ვარ, რომ ბევრი მათგანი ჩვენს წუხილს და ჩვენს ხვალინდელ სიხარულს იზიარებს“, - განაცხადა ზურაბიშვილმა. 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი