დავით უსუფაშვილი: ბიძინა ივანიშვილს არ შევხვედრილვარ, მასთან სატელეფონო საუბარი მქონდა

2016-03-07 15:30:58, 459 ნახვა

პოლიტიკა

საქართველოს პარლამენტის თავმჯდომარის დავით უსუფაშვილის განცხადებით, პრემიერმინისტრი გიორგი კვირიკაშვილი მისი ყველა შეხვედრის თაობაზე არ საუბრობს. ამის შესახებ უსუფაშვილმა ჟურნალიტის კითხვაზე საპასუხოდ განაცხადა, რომლის მიხედვითაც, არსებული ინფორმაციით, გიორგი კვირიკაშვილი ბიძინა ივანიშვილს შეხვდა.

უსუფაშვილის თქმით, გიორგი კვირიკაშვილს ბიძინა ივანიშვილთან ძალიან ნორმალური და საქმიანი ურთიერთობა აქვს. პარლამენტის თავმჯდომარე ამბობს, რომ ბოლო პერიოდში თავად ივანიშვილს არ შეხვედრია, თუმცა ტელეფონზე ესაუბრა.

„რაც შეეხება კვირიკაშვილის შეხვედრებს ბატონ ბიძინასთან, თუ სხვებთან, კვირიკაშვილი არ აკეთებს ინფორმირებას ყველა შეხვედრის თაობაზე, რაც მას აქვს. ვიცი, რომ მას ნორმალური და საქმიანი ურთიერთობა აქვს ბატონ ბიძინასთან, როცა ამის საჭიროებას თვლის, ან ბატონი ბიძინა, ან თავად. ბიძინას არ შევხვედრილვარ, სატელეფონო საუბარი მქონდა”,-განაცხადა დავით უსუფაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან