ევროსაბჭოს საპარლამენტო ასამბლეა ამოქმედებს სანქციებს ივანიშვილის დელეგაციის წევრების მიმართ, რომლის მიხედვითაც მათ კომიტეტებში წევრობის ან მონაწილეობის უფლება შეეზღუდებათ. როგორც „ერთიანი ნაციონალური მოძრაობის“ თავმჯდომარემ, თინა ბოკუჩავამ განაცხადა, ეს ნაბიჯი მნიშვნელოვანია, რადგან „ქართული ოცნების“ დელეგაციის წევრებს მხოლოდ ფორმალურად შეინარჩუნებენ უფლებამოსილებას აპრილამდე, რათა საქართველოს შიდა საქმეებში ახალი, თავისუფალი და სამართლიანი საპარლამენტო არჩევნები ჩაინიშნოს.

„დღეს ევროსაბჭოს საპარლამენტო ასამბლეამ პლენარულ სხდომაზე უნდა კენჭი უყაროს რეზოლუციას, რომელიც მონიტორინგის კომიტეტმა მიიღო და რომლის ფარგლებშიც გაგრძელდება სანქციური პოლიტიკა ივანიშვილის რეჟიმის წინააღმდეგ. ეროვნული სანქციების შემდეგ, ამიერიდან ამოქმედდება სანქციები ევროსაბჭოს საპარლამენტო ასამბლეის მხრიდან, რაც გულისხმობს იმას, რომ ივანიშვილის დელეგაციის წევრებს აღარ ექნებათ კომიტეტებში მონაწილეობის უფლება. მათ მხოლოდ ფორმალურად შეინარჩუნებენ უფლებამოსილებას აპრილამდე, რათა ქვეყანაში ჩატარებულ იქნეს ახალი, თავისუფალი და სამართლიანი საპარლამენტო არჩევნები, რომელიც ქართველი ხალხის თავისუფალ ნებას დააფიქსირებს.

ეს არის მნიშვნელოვანი წარმატება ქართული დემოკრატიისთვის, ივანიშვილის რეჟიმის საერთაშორისო არ აღიარებისთვის, სანქციური პოლიტიკისა და იმ საბოლოო მიზნის მიღწევისთვის, რომელიც აერთიანებს ქართულ საზოგადოებას - პოლიტპატიმრების გათავისუფლებას, დამნაშავეების დასჯას და ახალი, თავისუფალი და სამართლიანი საპარლამენტო არჩევნების დანიშვნას“, - განაცხადა თინა ბოკუჩავამ.

ავტორი: ექსპრესნიუსი,

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა