ამჟამად აფხაზეთში საარჩევნო კამპანია მიმდინარეობს, რომელშიც ახალი თაობის კანდიდატები მონაწილეობენ, საპრეზიდენტო კანდიდატები ერთხმად გამოხატავენ მხარდაჭერას რუსეთის ფედერაციასთან ძმური ურთიერთობების განვითარებისა და განმტკიცებისთვის, - ამის შესახებ ოკუპირებული აფხაზეთის ე.წ. პრეზიდენტის მოვალეობის შემსრულებლის, ვალერი ბგანბას ღია წერილშია აღნიშნული, რომლის ადრესატი რუსეთის პრეზიდენტი, ვლადიმერ პუტინია.

მისი თქმით, რუსეთთან ურთიერთობის საკითხზე აფხაზეთში „ძლიერი კონსენსუსი“ არსებობს, რომელიც ე.წ. „არჩევნების“ შედეგების მიუხედავად უცვლელი დარჩება.

„საარჩევნო რბოლის ყველა მონაწილე აცნობიერებს, რომ რუსეთთან მეგობრობა და მჭიდრო თანამშრომლობა ჩვენი ქვეყნის სტაბილურობისა და უსაფრთხოების უზრუნველყოფის გასაღებია. გულწრფელად მადლობელი ვართ რუსეთის ყოვლისმომცველი მხარდაჭერისთვის და ჩვენი მეგობრული ურთიერთობების უნიკალური ფორმატისთვის“, - აღნიშნულია წერილში.

ამასთან, ვალერი ბგანბას მტკიცებით, სერიოზულ შეშფოთებას იწვევს პოლიტიკური დისკურსი, რომელიც ზოგიერთ რუსულ მედიასაშუალებაში ყალიბდება.

„საკმარისი საფუძვლების გარეშე ამტკიცებენ, რომ აფხაზეთში არსებობენ ძალები, რომლებიც რუსეთთან ჩვენი ურთიერთობის შერყევას ცდილობენ“, - აღნიშნულია წერილში.

ვალერი ბგანბა მტკიცებით, აფხაზი ხალხი ყოველთვის ავლენდა ერთგულებას მოკავშირეთა ვალდებულებების მიმართ.

„ჩვენ ვართ რუსეთის საიმედო პარტნიორი კოლექტიურ დასავლეთთან დაპირისპირებაში. სპეციალური სამხედრო ოპერაციის პირველივე დღეებიდან მხარს ვუჭერთ მის მიზნებსა და ამოცანებს, ხოლო ჩვენი თანამემამულეები დონბასში 2014 წლიდან აქტიურად იცავენ „რუსულ სამყაროს“, - აღნიშნულია წერილში.

ავტორი: ექსპრესნიუსი,

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა