ირალკი კობახიძის განცხადებით, დიპლომატიური პასპორტების საკითხი ტექნიკური და სიმბოლურია და ქვეყნისთვის არსებით საფრთხეს არ წარმოადგენს.

„რეალურად, ამის ალბათობა საკმაოდ მაღალია, თუმცა ამაში ვერაფერ განსაკუთრებულს ვერ ვხედავ. ეს არის მხოლოდ და მხოლოდ ტექნიკური საკითხი. ჩვენთვის მთავარია, რომ ქვეყანაში მშვიდობა შევინარჩუნოთ და ჩვენი ხალხის ინტერესები დავიცვათ. რაც შეეხება იმას, ვიღაც ვიზას მოითხოვს საჯარო სამსახურში თუ არა, ესეც ტექნიკური დეტალია. ევროკავშირში შეგვიძლია ვიზითაც გავემგზავროთ და უვიზოდაც. ამას არსებითი მნიშვნელობა არ აქვს. მთავარია, რომ საქართველოს მოსახლეობის ინტერესები არ დაზიანდეს,“ – აღნიშნა კობახიძემ.

ამასთან, პრემიერ-მინისტრმა აღნიშნული საკითხი “სამწუხარო მოვლენების გაგრძელებად” შეაფასა და განაცხადა, რომ ევროკავშირის მხრიდან შანტაჟი წლების განმავლობაში არაეფექტიანი იყო და მომავალშიც არ იქნება.

„ეს არის სამწუხარო მოვლენების გაგრძელება. მუდმივად საუბარია შანტაჟზე ჩვენი ქვეყნის წინააღმდეგ, რაც წლების განმავლობაში ვერ იყო ეფექტიანი და ვერც ახლა იქნება. ასეთ დისკუსიებს უკვე წარმოაჩენენ იმ პრობლემებს, რომლის წინაშეც დღეს ევროკავშირი დგას. იმედი გვაქვს, რომ ევროკავშირი ამ პრობლემებს დაძლევს,“ – განაცხადა ირაკლი კობახიძემ.

ავტორი: ექსპრესნიუსი,

სოციალური ქსელები

ხოშტარია - არ არსებობს მდგომარეობა, როდესაც რომელიმე „ქოცი“, ბიძინა ივანიშვილით დაწყებული პატარა ზარქუათი დამთავრებული მსხვერპლის როლში დამინახავს

„გახარია საქართველოსთვის“ პარლამენტში მომხდარი ჩხუბის გამოძიებას მოითხოვს

რა შეიცვალა საქართველოს ეკონომიკისთვის ახლო აღმოსავლეთის შეთანხმებიდან ორი კვირის თავზე?

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური