„ერთიანობა ნაციონალური მოძრაობის“ წევრები უარს ამბობენ ქონებრივი დეკლარაციის შევსებაზე, რადგან პარტიის წევრების გადაწყვეტილებით პარლამენტის წევრის სტატუსით ისინი არ აპირებენ ამ დეკლარაციის შევსებას, რადგან არ წარმოადგენენ არალეგიტიმურ პარლამენტს.

“ანტიკორუფციულმა ბიურომ მოგვმართა „ერთიანობა ნაციონალურ მოძრაობას“, რომ წარგვედგინა ჩვენი ქონებრივი დეკლარაცია, როგორც ე.წ. პარლამენტს წევრებს. ჩვენ არაერთხელ გაგვიცხადებია, რომ არანაირი მონაწილეობის მიღებას არ ვაპირებდით და არც მომავალში  არ ვაპირებთ ე.წ. პარლამენტში მუშაობას, რომელიც არ წარმოადგენს ქართველი ხალხის ნებას. ის ღალატობს კონსტიტუციურ პრინციპებს, საქართველოს ეროვნულ ინტერესებს. ჩვენ არასოდეს წინააღმდეგი არ ვყოფილვართ, რომ გამჭვირვალე ყოფილიყო ჩვენი ქონებრივი დეკლარაცია, მაგრამ ამას გავაკეთებთ ნებისმიერ სხვა ფორმატში, რადგან ჩვენ არ ვართ არანაირი ნიშნით ე.წ. პარლამენტის წევრები და არც მომავალში ვიქნებით.“ - განაცხადა, ერთიანი ნაციონალური მოძრაობის ერთ-ერთმა ლიდერმა, ირაკლი ფავლენიშვილმა

ირაკლი ხვადაგიანის განცხადებით - „თვითგამოცხადებულ არალეგიტიმურ რეჟიმს აქვს ლეგიტიმაციის კრიზისი, ის ყველანაირად ცდილობს, რომ რაღაცნაირად შთაბეჭდილება შექმნას, რომ თითქოს ეს მოპარული და საქართველოს ისტორიაში ერთ-ერთი ყველაზე საშინლად გაყალბებული და კარიკატურად ქცეული არჩევნები აქციოს ისე, რომ ეს იყო ქართველი ხალხის ნება და შესაბამისად, არავინ არ ვაპირებთ, რომ ლეგიტიმურად წარმოაჩინოს ეს დე ფაქტო ხელისუფლება. ჩვენ სექტემბერში ყველა კანდიდატს უკვე ჩაბარებული გვაქვს ჩვენი ქონებრივი დეკლარაცია და არავისთვის არაფერი დასამალი არ გვაქვს.“

გია ჯაფარიძის განცხადებით - „პირველ რიგში მინდა დავიწყო, რომ სოლიდარობა ყველა სინდისის პატიმარს, ყველა პოლიტიკურ პატიმარს. ჩვენი მოთხოვნები არის უცვლელი - უნდა გათავისუფლდეს ყველა პოლიტიკური პატიმარი და ხელახალი არჩევნები. ჩემთვის უცხო ნომრიდან მივიღე ზარი, თავი წარადგინეს, როგორც ანტიკორუფციული ბიუროს თანამშრომლებმა და მითხრეს, რომ დეკლარაცია მაქვს შესავსები, როგორც საქართველოს პარლამენტის წევრს. მე მაქვს დაწერილი განცხადება მანდატის დატოვების შესახებ, არაერთხელ მითქვამს და საყოველთაოდ ცნობილია ჩემი პოზიცია, რომ არ ვცნობ ამ პარლამენტის უფლებამოსილებას, რადგან 26 ოქტომბრის არჩევნები იყო მასობრივად და ტოტალურად გაყალბებული.“ 

ავტორი: ექსპრესნიუსი,

სოციალური ქსელები

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა

საია: ხოშტარია პოლიტპატიმარია, მისთვის ადეკვატური მკურნალობა უნდა იყოს უზრუნველყოფილი

ოპოზიციონერ ზვიად კუპრავას სასამართლომ 2 წლითა და 6 თვით თავისუფლების აღკვეთა მიუსაჯა

ხოშტარია - არ არსებობს მდგომარეობა, როდესაც რომელიმე „ქოცი“, ბიძინა ივანიშვილით დაწყებული პატარა ზარქუათი დამთავრებული მსხვერპლის როლში დამინახავს