„სამოქალაქო იდეის“ ხელმძღვანელი, თინა ხიდაშელი, გამოეხმაურა აბუ-დაბიში მომხდარ ინციდენტს, სადაც „ქართული ოცნების“ დეპუტატები ირაკლი ზარქუა, ვიქტორ სანიკიძე და გელა სამხარაული ფიზიკურად დაუპირისპირდნენ მოქალაქე ლაშა გაბიტაშვილს. ხიდაშელი აცხადებს, რომ გამოძიება არა მხოლოდ ინციდენტში მონაწილე პირების, არამედ კახა კალაძის მიმართაც უნდა დაიწყოს, რადგან ის განიხილავს, რომ კალაძე არის „ჩვეულებრივი პროვოკატორი, რომელიც ახალისებს ძალადობას“. 

ხიდაშელის განმარტებით, აბუ-დაბიში მომხდარი შემთხვევა პირდაპირ უკავშირდება კახა კალაძის მიერ ბოლო დღეებში გაკეთებულ განცხადებებს, სადაც კალაძე საუბრობდა იმაზე, რომ „რაღაცას ვეტყვით და ხელი მოგხვდებათ“. მისი თქმით, კალაძეს არ აქვს გაცნობიერება, რომ ის საუბრობს საჯარო მოხელეებზე და პოლიტიკურ თანამდებობის პირებზე, რომლებიც დეპუტატები არიან, მაგრამ მიაჩნიათ, რომ ძველი ბიჭების მსგავსად შეუძლიათ მოიქცნენ. 

„ჩვენ არა გვაქვს ილუზია, რომ ზარქუას წინააღმდეგ გამოძიება დაიწყება“, - განაცხადა ხიდაშელმა.

მოგვიანებით, ლაშა გაბიტაშვილმა სოციალურ ქსელში ვიდეომიმართვა გაავრცელა, სადაც აღნიშნა, რომ მის მიერ ზარქუასა და სანიკიძეს მიმართული „რუსი მონა“ გამონათქვამი წინასწარი დაძაბული ურთიერთობის შედეგი იყო.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს