2024-12-18 16:40:55, 450 ნახვა

---

ფრანგი ევროპარლამენტარი - ქართველებს ახალი და სამართლიანი არჩევნები სჭირდებათ - ზურაბიშვილმა ევროპას განსაცვიფრებელი ამბავი უამბო

ფრანგი ევროპარლამენტარი ვალერი ჰაიერი ევროპარლამენტში საქართველოს პრეზიდენტ სალომე ზურაბიშვილის დღევანდელ გამოსვლას ეხმაურება.

როგორც ევროპარლამენტარი სოციალურ ქსელ X-ზე წერს, ქართველებს ახალი, თავისუფალი და სამართლიანი არჩევნები სჭირდებათ.

„პრეზიდენტმა სალომე ზურაბიშვილმა ევროპას განსაცვიფრებელი ამბავი უამბო იმის შესახებ, რაც საქართველოში ხდება. ამან ყველა ევროპელს სისხლი უნდა გაუყინოს. ეს მხოლოდ საქართველოს არ ეხება. ეს ევროპასაც ეხება. ქართველებს ახალი, თავისუფალი და სამართლიანი არჩევნები სჭირდებათ. სხვა გზა არ არსებობს“,- წერს ჰაიერი.

შეგახსენებთ, დღეს, 18 დეკემბერს საქართველოს პრეზიდენტმა, სალომე ზურაბიშვილმა სტრასბურგში, ევროპარლამენტის პლენარულ სესიაზე ევროდეპუტატებს სიტყვით მიმართა. ზურაბიშვილი სტრასბურგში ევროპარლამენტის პრეზიდენტმა, რობერტა მეცოლამ მიიწვია.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი