თინა ხიდაშელი: ერთადერთი მიზანი იყო ეს, რომ ჩვენ წავსულიყავით ოპოზიციაში

2016-03-01 23:02:39, 420 ნახვა

პოლიტიკა

''ერთადერთი მიზანი იყო ეს, რომ ჩვენ წავსულიყავით ოპოზიციაში'' - ამის შესახებ თინა ხიდაშელმა გადაცემა ''არჩევანში'' განაცხადა. თავდაცვის მინისტრი მის წინააღმდეგ წარმოებულ კამპანიასა და ირაკლი ალასანიას წინააღმდეგ არსებულ კამპანიას შორის პარალელებს ავლებს და ამბობს, რომ „ეს ერთიდაიგივე შინაარსის კამპანიაა“.

ის იქვე აცხადებს, რომ თავის დროზე ირაკლი ალასანიას ნერვებმა უმტყუნა და წავიდა ოპოზიციაში, რაც, ხიდაშელის შეფასებით, არასწორი გადაწყვეტილება იყო.

''ჩვენ არსად წასვლას არ ვაპირებთ. თუმცა, ამოცანა ზუსტად ეს იყო ამ კამპანიის. ერთადერთი მიზანი იყო ეს, რომ ჩვენ წავსულიყავით ოპოზიციაში, რომ ვიღაცას ნერვები უმტყუნებდა. აბსოლუტურად ეს იყო იგივე სცენარი იმ თვალსაზრისით, რომ ჩვენც ნერვები გვიმტყუნებდა და წავიდოდით ოპოზიციაში,'' - განაცხადა თინა ხიდაშელმა.