ვფიქრობ, საქართველოს მხარდასაჭერად საუკეთესო გზას ვიპოვით და ამ გზებზე თანამოაზრე ქვეყნების ლიდერებთან ვისაუბრებთ,- ამის შესახებ ლატვიის პრეზიდენტმა, ედგარს რინკევიჩსმა განაცხადა.

რინკევიჩსმა აღნიშნა, რომ ბალტიის ქვეყნები იყვნენ პირველები, რომლებმაც საქართველოს ხელისუფლების წარმომადგენლებს პერსონალური სანქციები დაუწესეს.

„ნუ დაგვავიწყდება, რომ ბალტიის ქვეყნები იყვნენ პირველები, რომლებმაც პერსონალური სანქციები შემოიღეს. ეს არის ის მიმართულება, რომლითაც ჩვენი დიპლომატებიც ევროკავშირის ფარგლებშიც იმუშავებენ, მაგრამ საჭიროა კონსენსუსი. ეს საკითხი უახლოეს დღეებში განიხილება. ვფიქრობ, საუკეთესო გზას ვიპოვით საქართველოს მხარდასაჭერად, მაგრამ ვფიქრობ, ამ გზებზე ვისაუბრებთ თანამოაზრე ქვეყნების ლიდერებთან“,- განაცხადა რინკევიჩსმა.

შეგახსენებთ, 1-ელ დეკემბერს, ლიეტუვის საგარეო საქმეთა მინისტრმა, გაბრიელიუს ლანდსბერგისმა განაცხადა, რომ ლიეტუვა, ლატვია და ესტონეთი, იმ პირების მიმართ, ვინც საქართველოში პროტესტის დახშობაზეა პასუხისმგებელი, სანქციების დაწესებაზე შეთანხმდნენ. პერსონალური სანქციები „ქართული ოცნების“ საპატიო თავმჯდომარე ბიძინა ივანიშვილს, შინაგან საქმეთა მინისტრ ვახტანგ გომელაურსა და შსს-ს სხვა მაღალჩინოსნებს დაუწესდათ.

ავტორი: ექსპრესნიუსი,

სოციალური ქსელები

ლაიენი: სამხრეთ კავკასია მსოფლიოს ერთ-ერთი უდიდესი გზაჯვარედინია, მისი სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა

მინდია შერვაშიძე ციხიდან გამოსვლისთანავე 500 ლარით დააჯარიმეს

კობახიძე: მიუხედავად წარმოქმნილი გამოწვევებისა, კვლავაც გვწამს, რომ დადგა დრო, გადავტვირთოთ აშშ-სთან სტრატეგიული პარტნიორობა