2024-12-02 21:32:22, 390 ნახვა
პოლიტიკა
შტაინმაიერი - ევროპა საქართველოს მთავრობის მიმართ შესაბამის ზომებს მიიღებს
ევროპა საქართველოს მთავრობის მიმართ შესაბამის ზომებს მიიღებს,- ამის შესახებ გერმანიის პრეზიდენტის, ფრანკ-ვალტერ შტაინმაიერის სპიკერი სერსტინ გამელინი სოციალურ ქსელ X-ზე წერს.
გერმანიის პრეზიდენტმა, შტაინმაიერმა საქართველოს პრეზიდენტთან, სალომე ზურაბიშვილთან სატელეფონო საუბარში ქართული სამოქალაქო საზოგადოების მიმართ სოლიდარობა გამოხატა და აქციის მონაწილეების წინააღმდეგ ძალადობა დაგმო.
„საქართველოს მთავრობა ევროკავშირისკენ მიმავალ გზას ტოვებს, რომლის ვალდებულებაც საქართველომ კონსტიტუციით აიღო. ევროპა მთავრობის მიმართ შესაბამის ზომებს მიიღებს, თუმცა ის კვლავ ღია რჩება მოქალაქეთა ევროპული მისწრაფებებისთვის", - თქვა შტაინმაიერმა ზურაბიშვილთან საუბრისას.
ავტორი: ექსპრესნიუსი,
epn.ge (@expressnews.ge)
