2024-12-01 22:42:40, 477 ნახვა
საზოგადოება
მოქალაქეების პროტესტი საზოგადოებრივ მაუწყებელთან დასრულდა - პრეზიდენტის ინტერვიუსთან დაკავშირებული მოთხოვნა დაკმაყოფილდა
მოქალაქეების პროტესტი საზოგადოებრივ მაუწყებელთან დასრულდა.
საზმაუსთან შეკრებილი მოქალაქეების ერთ-ერთი მოთხოვნა იყო, რომ საქართველოს პრეზიდენტს, სალომე ზურაბიშვილს მისცემოდა საეთერო დრო ინტერვიუსთვის.
ცოტახნის წინ პრეზიდენტის ადმინისტრაციამ გაავრცელა ინფორმაცია, რომ საქართველოს პრეზიდენტის ადმინისტრაციასა და საზოგადოებრივ მაუწყებელს შორის შედგა კომუნიკაცია და საქართველოს პრეზიდენტის ინტერვიუ დაიგეგმება სამშაბათს, ან ოთხშაბათს ორბელიანების სასახლიდან პირდაპირ ეთერში.
შეგახსენებთ, მოქალაქეები საზოგადოებრივი მაუწყებლის შენობასთან გუშინაც, იყვნენ, რის შემდეგაც "პირველი არხის" ეთერი მოქალაქეებს დაეთმო.
ავტორი: ექსპრესნიუსი,
epn.ge (@expressnews.ge)
