2024-11-04 09:17:43, 394 ნახვა
მსოფლიო
ჰარისი - ყველაფერს გავაკეთებ იმისათვის, რომ ღაზაში ომი დასრულდეს
როგორც პრეზიდენტი, ყველაფერს გავაკეთებ იმისათვის, რომ ღაზაში ომი დასრულდეს, მძევლები სახლში დაბრუნდნენ და პალესტინელმა ხალხმა შეძლოს, განახორციელოს ღირსების, თავისუფლებისა და თვითგამორკვევის უფლება,- ამის შესახებ ამერიკის შეერთებული შტატების ვიცე-პრეზიდენტმა და პრეზიდენტობის კანდიდატმა, კამალა ჰარისმა მიჩიგანში, მხარდამჭერებთან შეხვედრაზე განაცხადა.
ჰარისის თქმით, მიმდინარე წელი რთული იყო ღაზასა და ლიბანში მსხვერპლის გათვალისწინებით.
"მინდა ვთქვა, რომ ეს წელი რთული იყო ღაზაში მსხვერპლისა და ნგრევის მასშტაბის გათვალისწინებით, ლიბანში მშვიდობიანი მოსახლეობის მსხვერპლისა და დევნილობის გათვალისწინებით. ეს გამანადგურებელია",- აღნიშნა ჰარისმა.
ავტორი: ექსპრესნიუსი,
epn.ge (@expressnews.ge)
