აფენში დაკავებული 3 მამაკაცი გურჯაანის რაიონულმა სასამართლომ პატიმრობაში დატოვა.

მოსამართლე ნანა ჭალათაშვილმა ბრალდების მხარის მოთხოვნა დააკმაყოფილა და ბრალდებულებს 2 თვიანი წინასწარი პატიმრობა შეუფარდა.

ბრალდებულებს სასამართლო პროცესზე არ ყავდათ პირადი ადვოკატი და საკუთარი თავის დაცვა თვითონ მოუწიათ. ასევე სასამართლო პროცეს ის ადგილობრივები ესწრებოდნენ, რომლებმაც რამდენიმე დღის წინ მათი გათავისუფლების მოთხოვნით საპროტესო აქცია გამართეს, თუმცა მათ სასამართლოს ამ გადაწყვეტილებაზე კომენტარი არ გააკეთეს. ამ საქმეზე შემდეგ პროცესს, გურჯაანის რაიონული სასამართლო, 23 აპრილს ჩაატარებს.

შეგახსენებთ, რომ 3 მამაკაცი ლაგოდეხის რაიონის სოფელ აფენში 23 თებერვალს დააკავეს. შემთხვევაში მონაწილე სხვა პირების დადგენა-დაკავების მიზნით ოპერატიულ-სამძებრო ღონისძიებები მიმდინარეობს. საქმე, საქართველოს სსკ-ის 353-ე მუხლის მე-2 ნაწილით აღიძრა, რაც პოლიციელის მიმართ წინააღმდეგობის, საზოგადოებრივი წესრიგის დაცვისათვის ხელის შეშლის და მისი საქმიანობის შეწყვეტის ან შეცვლის მიზნით ჩადენილი ძალადობის ფაქტს გულისხმობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა