თბილისის საქალაქო სასამართლოს ყოფილი თავმჯდომარე მამუკა ახვლედიანი იუსტიციის უმაღლესი საბჭოს მდივნის ლევან მურუსიძის მიერ მოსამართლეთა საკვალიფიკაციო გამოცდების წესდების გამჟღავნების თაობაზე წარმოებული მოკვლევის მასალებს ეჭვქვეშ აყენებს.

როგორც ახვლედიანმა ჟურნალისტებს განუცხადა, აინტერესებს როგორც ჩაატარა საბჭომ მოკვლევა, როცა საგამოცდო კომისიის თავმჯდომარე კომისისს წევრების გარეშე აწარმოებდა მოკვლევას.

ახვლედიანის თქმით, არავინ არ იცის რამდენად რეალური მასალები გადააგზავნა საბჭომ პროკურატურაში.

„საინტერესოა როგორც ჩაატარა საბჭომ მოკვლევა, რა უფლება ჰქონდათ ტერმინი მოკვლევა, რომელიც შევარდნაძის ბოლო წლებშიც კი აღარ იყო გამოეყენებინათ და რას ნიშნავს მოკვლევა. ჩემთვის გასაკვირია, როცა საბჭოს მდივანი, რომლიც არის იმ საგამოცდო კომისიის თავმჯდომარე თვითონვე ახდენს თავის კომისიაში კომისიის გარეშე მოკვლევას. შემდეგ კი კაცმა არ იცის რა მასალები გადააგზავნეს პროკურატურაში, როგორ გამოარკვიეს საკითხები, როცა ამ საკითხებში მარტივად გეტყვით ჩართულია სასამართლო სისტემის მაღალჩინოსანი. რატომ იყო დუმილი სამი თვის განმავლობაში ამ საკითხებზე, იქნებ მარტო ერთი გამოცდა არ არის გამოსაკვლევი, იქნებ ბევრი იყო ასეთი“, - განაცხადა მამაუკა ახვლედინმა.

ახვლედიანი აღნიშნულ საკითხზე საპარლამენტო-საგამოძიებო კომისიის შექმნის მომხრეა.

„ძალიან უხერხულ სიტუაციაში შეიძლება აღმოჩნდეს პროკურატურა და საერთოდ შეიძლება მისი საპარალამენტო-საგამოძიებოკომისია შეიქმნას, სხვანაირად საზოგადოების ნდობას ეს გამოძიება ვერ მოიპოვებს“, - აღნიშნა ახვლედიანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა