თურქეთის პრეზიდენტის, რეჯეფ თაიფ ერდოღანის განცხადების გამო, ისრაელის საგარეო საქმეთა მინისტრი ისრაელ კაცი ნატოდან თურქეთის გარიცხვას ითხოვს. ამის შესახებ ინფორმაციას Reuters-ი ისრაელის საგარეო საქმეთა სამინისტროს მიერ გავრცელებულ განცხადებაზე დაყრდნობით ავრცელებს.

როგორც განცხადებაშია აღნიშნული, კაცმა დაავალა დიპლომატებს, "სასწრაფოდ" დაუკავშირდნენ ნატოს ყველა წევრს და მათ თურქეთის დაგმობისკენ მოუწოდონ, ასევე, მოითხოვონ რეგიონული ალიანსიდან ქვეყნის გარიცხვა.

"თურქეთის პრეზიდენტის მხრიდან ისრაელში შეჭრის მუქარების და მისი საშიში რიტორიკის ფონზე, საგარეო საქმეთა მინისტრმა, ისრაელ კაცმა დაავალა დიპლომატებს, სასწრაფოდ დაუკავშირდნენ ნატოს ყველა წევრს და მათ თურქეთის დაგმობისკენ მოუწოდონ, მოითხოვონ რეგიონული ალიანსიდან მისი გარიცხვა“,- ნათქვამია საგარეო საქმეთა სამინისტროს განცხადებაში.

ცნობისთვის, თურქეთის პრეზიდენტმა, რეჯეფ თაიფ ერდოღანმა განაცხადა, რომ "თურქეთი, შესაძლოა, პალესტინელების დახმარების მიზნით, ისრაელში შევიდეს".

ავტორი: ექსპრესნიუსი,

სოციალური ქსელები

რუსეთმა და უკრაინამ მშვიდობიანი მოქალაქეები გაცვალეს

ვენესუელაში მიწისძვრის შედეგად დაღუპულთა რიცხვი 1430-მდე გაიზარდა

ALGORITHM WATCH:შსს-მ სახის ამომცნობი კამერები მოსკოვში დაფუძნებული კომპანიისგან შეისყიდა

პატარიძე ხოშტარიაზე: ექიმის დასკვნის გარეშე ბრიფინგებით საუბარი "აბსურდის თეატრია"