2024-06-08 17:04:55, 537 ნახვა

---

ბოლქვაძე - პარლამენტი კვლევას ჩაატარებს, რათა ველური, ვერბალური ქმედებების წინააღმდეგ დამცავი მექანიზმები შემუშავდეს

პარლამენტი კვლევას ჩაატარებს, რათა შემუშავდეს დამცავი მექანიზმები ველური, ვერბალური ქმედებების წინააღმდეგ, - ამის შესახებ "ქართული ოცნების" დეპუტატი ელისო ბოლქვაძე სოციალურ ქსელ "ფეისბუქზე" წერს.

როგორც ბოლქვაძე აღნიშნავს, დემოკრატიულ ქვეყნებში მორალური ზეწოლა და სატელეფონო მუქარა დასჯადია.

"იმათ, ვისაც ჰგონია რომ სატელეფონო და სმს ზეწოლები შერჩებათ, წაიკითხონ კარგად ეს ინფორმაცია!

დემოკრატიულ ქვეყნებში დასჯადია მორალური ზეწოლა და სატელეფონო მუქარა!
კანონი ითვალისწინებს ციხეს და ჯარიმას 15.000 ევროს ოდენობით!

საქართველოს პარლამენტი, სულ მალე კვლევას ჩაატარებს ამ თემის ირგვლივ რათა შემუშავდეს დამცავი მექანიზმები ველური, ვერბალური ქმედებების წინააღმდეგ პოლიტიკურ ველზე საქართველოში", - წერს ელისო ბოლქვაძე.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი