გარემოსა და ბუნებრივი რესურსების დაცვის მინისტრის მოადგილე ბესარიონ აბაშიზე ქვემო ქართლის რეგიონში იმყოფებოდა, სადაც ბოლნისის მუნიციპალიტეტის მოსახელობას შეხვდა და  „ტყის კოდექსის“  ახალი კანონპროექტი გააცნო.

გარემოს დაცვის სამინისტროს ინფორმაციით, კანონპროექტი  „საქართველოს ეროვნული სატყეო კონცეფციიდან“ გამომდინარე, ემყარება ტყის მდგრადი მართვის პრინციპებს.

„საქართველოს ტყეების მართვა ეკოლოგიური, სოციალური და ეკონომიკური  პრინციპების გათვალისწინებით უნდა განხორციელდეს.

ასევე, დგინდება ტყის კატეგორიზაციის სრულიად ახლებური წესი. თითოეული კატეგორიის ტყე გამოყოფილია მისი ფუნქციური დანიშნულებიდან გამომდინარე. კანონპროექტის ერთ-ერთ მთავარ სიახლეს წარმოადგენს საქართველოში ტყეზე საკუთრების  ახალი ფორმების შემოღება. თუ ამჟამად ტყის მესაკუთრე არის მხოლოდ სახელმწიფო, ახალი კანონის მიხედვით გვაქვს საკუთრების სამი სახე: სახლემწიფო, ადგილობრივი და კერძო საკუთრება, რაც  ევროპული სტანდარტის შესაბამისია“, - ნათქვამია გარემოს დაცვის სამინისტროს ინფორმაციაში.

შეხვედრა სატყეო პოლიტიკის სამსახურის ორგანიზებითა და  მსოფლიო ბანკის ფინანსური მხარდაჭერით გაიმართა, რომელსაც   ადგილობრივ თვითმმართველობასთან ერთად, არასამთავრობო ორგანიზაციების წარმომადგენლები ესწრებოდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი