პეტრო პოროშენკო: მინსკის მოლაპარაკებებზე კარგი ამბები ჯერჯერობით არ არის

2015-02-12 12:41:45, 870 ნახვა

პოლიტიკა

უკრაინის პრეზიდენტის პეტრო პოროშენკოს განცხადებით, მინსკის მოლაპარაკებებზე ჯერჯერობით კარგი ამბები არ არის.

მისი თქმით, რუსეთთან შეთანხმება ჯერ ვერ შედგა, რადგან მათი მხრიდან წამოყენებული მოთხოვნები მისთვის მიუღებელია.

„სამწუხაროდ მოლაპარაკებებზე კარგი ამბები ჯერჯერობით არ არის. რადგან რუსეთის მხრიდან წამოყენებული მოთხოვნები მიუღებელია. ამ დროისთვის სხვა სიახლე არ არის, თუმცა იმედი მაინც გვაქვს“,-განაცხადა პეტრო პოროშენკომ.

რუსულ მედიაში გავრცელებული ინფორმაციით, „ნორმანდიული ოთხეულის“ შეხვედრა პეტრო პოროშენკოს გარეშე გრძელდება.

შეგახსენებთ, რომ „ნორმანდიული ოთხმხრივი“ შეხვედრა მინსკში, დახურულ კარს მიღმა დაახლოებით 14 საათი გრძელდებოდა და მასში თავდაპირველად გერმანიის კანცლერი ანგელა მერკელი, საფრანგეთის პრეზიდენტი ფრანსუა ოლანდი, უკრაინის პრეზიდენტი პეტრო პოროშენკო და რუსეთის პრეზიდენტი ვლადიმერ პუტინი მონაწილეობდნენ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან