2024-04-16 13:00:38, 411 ნახვა
პოლიტიკა
პარლამენტთან „უცხოური გავლენის გამჭვირვალობის შესახებ“ კანონპროექტის წინააღმდეგ აქცია იმართება
თბილისში, პარლამენტის შენობის მიმდებარე ტერიტორიაზე "უცხოური გავლენის გამჭვირვალობის შესახებ" კანონპროექტის წინააღმდეგ აქცია მიმდინარეობს.
საკანონმდებლო ორგანოს უკანა შესასვლელთან შეკრებილი მოქალაქეები კანონპროექტის უკან გაწვევას მოითხოვენ.
ადგილზე მობილიზებული არიან სამართალდამცველები, პარლამენტში კი, უსაფრთხოების ყვითელი დონე მოქმედებს.
აღსანიშნავია, რომ დღეს, 16 აპრილს კანონპროექტის საწინააღმდეგო აქცია 19:00 საათზეც არის დაგეგმილი.
შეგახსენებთ, "უცხოური გავლენის გამჭვირვალობის შესახებ" კანონპროექტის წინააღმდეგ საპროტესტო აქციები გაიმართა გუშინაც.
ავტორი: ექსპრესნიუსი,
epn.ge (@expressnews.ge)
