თბილისის მერს, კახა კალაძეს არ უნდა ეცალოს, საწვავის ფასების თემა სასაცილოდ აიგდოს და დასცინოს ხალხს, ვისაც ეს აწუხებს, მაგრამ ცხვირს ჰყოფს ყველგან იმიტომ, რომ ყველა კარტელური, კრიმინალური გარიგების წილშია,- ამის შესახებ “ერთიანი ნაციონალური მოძრაობის” თავმჯდომარემ, ლევან ხაბეიშვილმა განაცხადა.

ხაბეიშვილის თქმით, "როგორ შეიძლება, არასერიოზულად პასუხობდე კითხვას, რომელსაც ადამიანი ყოველდღიურად ეხება". 

"თბილისის მერს, კახა კალაძეს არ უნდა ეცალოს, საწვავის ფასების თემა სასაცილოდ აიგდოს და დასცინოს ხალხს, ვისაც ეს აწუხებს, მაგრამ ცხვირს ჰყოფს ყველგან იმიტომ, რომ ყველა კარტელური, კრიმინალური გარიგების წილშია.

როგორ შეიძლება, არასერიოზულად პასუხობდე კითხვას, რომელსაც ადამიანი ყოველდღიურად ეხება და აწუხებს? წლების შედარება არ მოსწონთ, თურმე და როცა უნდათ, 2005-2006 წლებში ჩადიან.

გვიპასუხეთ, 2024 წელს, პორტამდე მოსული საწვავი 1.65 ლარი რომ ღირს, პორტიდან 200 მეტრში 3.2 ლარი რატომ ღირს? უთხარით ხალხს სიმართლე! 1.65 ლარი არ არის ის ფასი, რაც პორტამდეა? და ამ 1 ლარს და 50  თეთრს ვინ და რაში ამატებს?"- აცხადებს ხაბეიშვილი.

ცნობისთვის, დღეს, 12 მარტს თბილისის მერი კახა კალაძე ფასების ზრდასთან დაკავშირებით "ერთიანი ნაციონალური მოძრაობის" თავმჯდომარის განცხადებას გამოეხმაურა და თქვა, რომ ლევან ხაბეიშვილი "პერფორმანსით არის დაკავებული".

ავტორი: ექსპრესნიუსი,

სოციალური ქსელები

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა