2024-03-10 17:05:01, 1035 ნახვა
სამართალი
რუსთავში არასრულწლოვანის მიმართ გარყვნილი ქმედების ბრალდებით 40 წლამდე მამაკაცი დააკავეს
რუსთავში არასრულწლოვანის მიმართ გარყვნილი ქმედების ბრალდებით 40 წლამდე მამაკაცი დააკავეს. ამის შესახებ ინფორმაცია "ინფო რუსთავმა" გაავრცელა.
როგორც გამოცემა წერს, ბრალდებულმა 12 წლის ბავშვი საკუთარ საცხოვრებელ სახლში მოტყუბით აიყვანა, პორნოგრაფიული შინაარსის ვიდეო აყურებინა და მის მიმართ გარყვნილი ხასიათის ქმედება ჩაიდინა.
გამოცემის ინფორმაციით, დაკავებული მოზარდის მეზობლად მცხოვრებია.
როგორც "ექსპრესნიუსს" შინაგან საქმეთა სამინისტროში განუცხადეს, მომხდართან დაკავშირებით გამოძიება სისხლის სამართლის კოდექსის 141-ე მუხლით მიმდინარეობს, რაც წინასწარი შეცნობით 16 წლის ასაკს მიუღწეველთან ძალადობის გარეშე გარყვნილ ქმედებას გულისხმობს.
ავტორი: ექსპრესნიუსი,
epn.ge (@expressnews.ge)
