2024-03-07 15:55:03, 747 ნახვა
საზოგადოება
„ჩემს გამომცემლობასა“ და თბილისის სახელმწიფო უნივერსიტეტს შორის თანამშრომლობის მემორანდუმი გაფორმდა
6 მარტს "ჩემს გამომცემლობასა" და თბილისის სახელმწიფო უნივერსიტეტს შორის თანამშრომლობის მემორანდუმი გაფორმდა. ამასთან დაკავშირებით უნივერსიტეტის რექტორთან სპეციალური მიღება გაიმართა.
თბილისის სახელმწიფო უნივერსიტეტის რექტორმა, აკადემიკოსმა ჯაბა სამუშიამ ღონისძიებაზე თსუ-ში წიგნის მაღაზიების დიდი ქსელის შექმნასა და ამ ქსელში თსუ გამომცემლობის გარდა სხვა გამომცემლობების წიგნების შეტანაზე ისაუბრა.
თანამშრომლობის ფარგლებში "ჩემი გამომცემლობა" უნივერსიტეტის ბიბლიოთეკას უსასყიდლოდ გადასცემს ახალი გამოცემების თითო ეგზემპლარს. უნივერსიტეტი კი დახმარებას გაუწევს გამომცემლობას ახალი გამოცემების პრეზენტაციებსა და სპეციალური საუნივერსიტეტო ფასდაკლებებით გამოფენა–გაყიდვის ორგანიზებაში.
ავტორი: ექსპრესნიუსი,
epn.ge (@expressnews.ge)
