რატი იონათამიშვილი - ხაზარაძემ მოსკოვში გადასახლების მუქარა არ იკმარა და „ლელოს“ საარჩევნო ნომრით ბიძინა ივანიშვილს შუბლიც გაუხვრიტა

2024-02-14 23:35:27, 966 ნახვა

პოლიტიკა

ხაზარაძემ მოსკოვში გადასახლების მუქარა არ იკმარა და „ლელოს“ საარჩევნო ნომრით ბიძინა ივანიშვილს შუბლიც გაუხვრიტა, - ამის შესახებ საპარლამენტო უმრავლესობის წევრი რატი იონათამიშვილი სოციალურ ქსელ Facebook-ზე წერს.

იონათამიშვილის განცხადებით, მამუკა ხაზარაძემ მოსკოვში გადასახლების მუქარა არ იკმარა და ამ კამპანიის ფარგლებში დამზადებულ ერთ-ერთ ბანერზე, ბიძინა ივანიშვილს "ლელოს" საარჩევნო ნომრით შუბლი გაუხვრიტა.

"შემთხვევით, სოცქსელში ამ ფოტოს გადავაწყდი… ერთი შეხედვით, ერთი ჩვეულებრივი მავნებლური კამპანია გეგონება, სინამდვილეში ხაზარაძემ პროკურორით მოსკოვში გადასახლების მუქარა არ იკმარა (ისიც კი არ იცის, რომ პროკურორის და პროკურატურის ფუნქცია არავის გადასახლება არ არის, იმდენად არის საბჭოთა დროში ჩარჩენილი) და ნაცების ლეღვის ფოთოლი ლელოს საარჩევნო ნომრით, ცხრიანით, ბიძინა ივანიშვილს შუბლიც გაუხვრიტა… როგორც ჩანს, ნაცებიდან მიმაგრებულმა როზნერმა გადაუტანა ზრახვები ბანერზე", - წერს რატი იონათამიშვილი Facebook-ზე.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),