ირანი და ლიბანი ადასტურებენ, რომ ომი არ არის გამოსავალი და ჩვენ არასდროს ვცდილობდით მის გაფართოებას,- ამის შესახებ ირანის საგარეო საქმეთა მინისტრმა, ჰოსეინ ამირაბდოლაჰიანმა ლიბანელ კოლეგასთან, აბდალა ბუ ჰაბიბთან ერთად გამართულ პრესკონფერენციაზე განაცხადა.

ამირაბდოლაჰიანმა გააფრთხილა ისრაელი, არ გადადგას ნაბიჯი ლიბანის წინააღმდეგ, რაც მისი თქმით, ქვეყნის პრემიერ-მინისტრ ბენიამინ ნეთანიაჰუს "ბოლო დღე" იქნება.

"ნებისმიერი ნაბიჯი, რომელსაც "სიონისტური რეჟიმი" გადადგამს ლიბანზე ფართო თავდასხმისკენ, იქნება ნეთანიაჰუს ბოლო დღე და დაასრულებს სტატუსკვოს რეგიონში. ღაზას სექტორსა და დასავლეთ სანაპიროზე განვითარებულ მოვლენებს სხვა გამოსავალი არ აქვს, გარდა პოლიტიკური გადაწყვეტისა",- განაცხადა ირანის საგარეო საქმეთა მინისტრმა.

საგარეო უწყების ხელმძღვანელმა ასევე აღნიშნა, რომ ირანმა და ამერიკის შეერთებულმა შტატებმა გასული ოთხი თვის განმავლობაში ისრაელსა და "ჰამასს" შორის  მიმდინარე ომსა და "ჰეზბოლას" შესახებ ისაუბრეს, რა დროსაც ვაშინგტონმა თეირანს "სთხოვა, მოუწოდოს "ჰეზბოლას", სრულად არ ჩაერთოს ისრაელის წინააღმდეგ ომში".

მინისტრის თქმით, ღაზაში საომარი მოქმედებების პოლიტიკურ გადაწყვეტასთან დაკავშირებით, თეირანი მოლაპარაკებებს საუდის არაბეთთან აწარმოებს.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს