2024-01-31 16:18:53, 664 ნახვა
მსოფლიო
CPJ - ისრაელისა და „ჰამასის“ შეტაკებებს, სულ მცირე, 85 ჟურნალისტი ემსხვერპლა
ჟურნალისტთა დაცვის კომიტეტის (CPJ) ინფორმაციით, ისრაელისა და "ჰამასის" შეტაკებებს, სულ მცირე, 85 ჟურნალისტი ემსხვერპლა.
როგორც ორგანიზაციაში აცხადებენ, 85 დაღუპული ჟურნალისტიდან 78 პალესტინელი, 4 ისრაელელი და 3 ლიბანელი იყო.
CPJ-ის ცნობითვე, დაშავდა 16, დაკავებულია 25, ხოლო დაკარგულად მიიჩნევა 4 ჟურნალისტი.
"ჟურნალისტთა დაცვის კომიტეტი ხაზს უსვამს, რომ ჟურნალისტები არიან მშვიდობიანი მოქალაქეები, რომლებიც ასრულებენ მნიშვნელოვან საქმეს კრიზისის დროს და არ უნდა იყვნენ მეომარი მხარეების სამიზნე", - აცხადებენ CPJ-ში.
ავტორი: ექსპრესნიუსი,
epn.ge (@expressnews.ge)
