უკრაინის პრეზიდენტის აპარატის უფროსის მრჩევლის, მიხაილო პოდოლიაკის განცხადებით, "არ არსებობს ფაქტები, რომლებიც ბელგოროდის რეგიონში რუსული Ил-76-ის ჩამოვარდნის გარემოებებს ნათელს მოჰფენს".

პოდოლიაკის თქმით, კრემლი აღნიშნულ შემთხვევას "აქტიურად იყენებს" და ამავდროულად, საერთაშორისო ჯგუფების ობიექტურ გამოძიებას აფერხებს.

პრეზიდენტის აპარატის უფროსის მრჩეველი ფიქრობს, რომ რუსეთი ამას ორი მიზეზით აკეთებს.

"პირველი არის უკრაინაში რაკეტსაწინააღმდეგო სისტემების მიწოდების შენელება. ბოლო თვეებში ჩვენ ვნახეთ დიდი რაოდენობით რუსული სტრატეგიული და ტაქტიკური თვითმფრინავების განადგურება. ანუ, რუსეთის ფედერაციისთვის ძალიან მნიშვნელოვანია, რომ უკრაინას არ ჰქონდეს შესაძლებლობა, ჩამოაგდოს რუსული თვითმფრინავები ან გამოიყენოს რაკეტსაწინააღმდეგო თავდაცვა ფრონტის ხაზზე",- ამბობს პოდოლიაკი.

მისივე თქმით, მეორე მიზეზი არის მოსკოვის მცდელობა, "მის მიერ ჩადენილ ომის დანაშაულებზე მსოფლიოს ყურადღება შეამციროს".

"მათ სურთ იმ ამბით თამაში, რომ "ეს ომია, ჩვენ ვარღვევთ ზოგიერთ კონვენციას, მაგრამ ასეა უკრაინაც",- აცხადებს პოდოლიაკი.

შეგახსენებთ, რუსეთში, ბელგოროდში რუსული სამხედრო-სატრანსპორტო თვითმფრინავი Ил-76 24 იანვარს ჩამოვარდა. 

რუსულმა პროპაგანდისტულმა მედიამ ქვეყნის თავდაცვის სამინისტროზე დაყრდნობით გაავრცელა ინფორმაცია, რომ ბორტზე 65 უკრაინელი ტყვე იმყოფებოდა.

25 იანვარს, უკრაინის უშიშროების სამსახურმა ბელგოროდში მომხდარ ავიაკატასტროფასთან დაკავშირებით გამოძიება დაიწყო.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია