2023-11-27 21:32:33, 704 ნახვა
მსოფლიო
ლანდსბერგისი - თუ უკრაინის გამარჯვებას არ უზრუნველვყოფთ, რუსეთი ახალი ომისთვის მზადებას დაიწყებს
თუ დასავლელ მოკავშირეებს არ ექნებათ საკმარისი პოლიტიკური ნება უკრაინას გამარჯვებაში დაეხმარონ, რუსეთი ამას თავის გამარჯვებად აღიქვამს და ახალი ომისთვის მზადებას დაიწყებს, - ამის შესახებ ლიეტუვის საგარეო საქმეთა მინისტრმა, გაბრიელიუს ლანდსბერგისმა განაცხადა.
როგორც ლანდსბერგისი აღნიშნავს, თუ რუსეთი ომისთვის მზადებას დაიწყებს, ნებისმიერი მეზობელი შეიძლება გახდეს მისი აგრესიის მსხვერპლი.
"თუ დასავლეთი არ უზრუნველყოფს უკრაინის გამარჯვებას, პუტინს ექნება შესაძლებლობა გამოაცხადოს თავისი გამარჯვება და დაიწყოს ახალი ომისთვის მზადება. და ეს ომი შეიძლება ყველგან იყოს", - განაცხადა ლიეტუვის საგარეო საქმეთა მინისტრმა.
ავტორი: ექსპრესნიუსი,
epn.ge (@expressnews.ge)
