2023-11-27 10:30:12, 753 ნახვა
მსოფლიო
CNN - ვერმონტში 3 პალესტინელი სტუდენტი დაჭრეს
აშშ-ის შტატ ვერმონტში პალესტინელი წარმოშობის 3 სტუდენტი დაჭრეს. ამის შესახებ ინფორმაციას CNN ავრცელებს.
შემთხვევა ბერლინგტონში, ქუჩაში მოხდა.
როგორც მედია ბერლინგტონის პოლიციის დეპარტამენტზე დაყრდნობით იუწყება, "ორის მდგომარეობა სტაბილურია, ერთმა კი გაცილებით მძიმე დაზიანებები მიიღო".
პოლიციის ინფორმაციით, "მათ მამაკაცი იარაღით დაუპირისპირდა".
"საუბრის გარეშე მან პისტოლეტიდან, სულ მცირე, 4 ტყვია გაისროლა და სავარაუდოდ, ფეხით გაიქცა“,- აცხადებენ პოლიციაში.
დაშავებულთაგან 2 აშშ-ის მოქალაქე, ერთი კი კანონიერი რეზიდენტია.
სამოქალაქო უფლებების დამცველი ორგანიზაციები და მსხვერპლთა ოჯახები მოუწოდებენ ხელისუფლებას, გამოიძიოს შემთხვევა, როგორც სიძულვილის დანაშაული.
ავტორი: ექსპრესნიუსი,
epn.ge (@expressnews.ge)
