The New York Times-ის ცნობით, ბაიდენის ადმინისტრაცია ისრაელს ურჩევს გადადოს სახმელეთო ოპერაცია მძევლების გასათავისუფლებლად დროის შესაძენად და იზოლირებულ ანკლავში მყოფი პალესტინელებისთვის მეტი ჰუმანიტარული დახმარების მისაღებად.

აშშ-ს ოფიციალურ პირებს ასევე სურთ მეტი დრო, რათა  მოამზადონ თავიანთი სამხედროები რეგიონში ირანის მიერ მხარდაჭერილი დაჯგუფებების შესაძლო აფეთქებისთვის, რომლებიც სავარაუდოდ გააქტიურდებიან ისრაელის ღაზაში შესვლის შემდეგ.

მიუხედავად იმისა, რომ ბაიდენის ადმინისტრაცია არ აყენებს მოთხოვნებს ისრაელის მიმართ, აშშ მაინც მხარს უჭერს სახმელეთო შეჭრას და ჰამასის განადგურებას. მაგრამ გასულ პარასკევს ორი ამერიკელის გათავისუფლების შემდეგ, ოფიციალურმა პირებმა გააძლიერეს თავიანთი მოწოდებები, რომ დრო დაეთმოთ კიდევ 212-ის გათავისუფლებას.

გაზეთის წყაროებმა განაცხადეს, რომ რჩევაა ისრაელისთვის, ამ დროისთვის თავი შეიკავონ სახმელეთო ოპერაციებისგან, თავდაცვის მინისტრის მეშვეობით გადაეცა, რადგან პენტაგონი ისრაელის არმიას სამხედრო საკითხებში ეხმარება. ოფიციალური პირი თითქმის ყოველდღიურად ურეკავდა თავის ისრაელ კოლეგას იოავ გალანტს, რათა განეხილათ ოპერატიული საკითხები, აშშ-ის იარაღის მიწოდება ისრაელში და აშშ-ს სამხედრო განლაგება და ხაზგასმით აღნიშნა, რომ მძევლების გათავისუფლება პრიორიტეტია.

ავტორი: ექსპრესნიუსი,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს