ის ადამიანები, რომლებიც შეიწირა არა სტიქიურმა და ბუნებრივმა ძალებმა, არამედ თქვენმა უპასუხისმგებლო და არაადამიანურმა პოლიტიკამ, არ მოგცემენ მოსვენების საშუალებას,- ასე მიმართა პარლამენტის პლენარულ სხომაზე ოპოზიციონერმა დეპუტატმა, ანა ნაცვლიშვილმა მმართველ პარტიას.

ნაცვლიშვილის თქმით, შოვში მომხდარი ტრაგედია "ქართული ოცნების" უპასუხისმგებლო და დანაშაულებრივი პოლიტიკის შედეგია.

"რაც შეეხება შოვს, თქვენი ძალიან უღირსი და მიზანმიმართული მცდელობების მიუხედავად, რომ როგორმე ეს საკითხი მორიგ ჯერზე გადააგოროთ და მისცეთ დავიწყებას. შოვი არ მიეცემა დავიწყებას. ის ადამიანები, რომლებიც შეიწირა არა სტიქიურმა და ბუნებრივმა ძალებმა, არამედ თქვენმა უპასუხისმგებლო და არაადამიანურმა პოლიტიკამ, არ მოგცემენ მოსვენების საშუალებას. ვერ გადააგორებთ ამ საკითხს და თუ ვინმეს აინტერესებს ძალიან დიდი ხანია სამართლებრივი სტანდარტი დადგენილია ასეთ შემთხვევაში დაინტერესებულ პირებს შეგიძლიათ გაეცნოთ, ადამიანის უფლებათა ევროპული სასამართლოს გადაწყვეტილებებს, რომელიც სწორედ სტიქიის და ბუნებრივი ძალების დროს სახელმწიფოს რა ევალება,რეაგირების ნაწილში რა ევალება და რა სტანდარტით მსჯელობს სასამართლო და სამართალი იმაზე ჩააგდო თუ არ ჩააგდო სახელმწიფომ თავისი ვალდებულება აი ამას გადახედეთ. ბუნებრივ ძალებზე ზღაპრებს ნუ გვიყვებით. ასეთ ზღაპრებს რუსეთის ხელისუფლება ჰყვებოდა სტრასბურგის სასამართლოს წინაშე და სასამართლომ მას აჩვენა წითელი ბარათი. თქვენი უპასუხისმგებლო და დანაშაულებრივი პოლიტიკის შედეგია ამხელა მსხვერპლი, მათ შორის, 2 ადამიანი, რომელიც სამსახურებრივი მოვალეობის შესრულების დროს დაიღუპა",- განაცხადა ნაცვლიშვილმა. 

ავტორი: ექსპრესნიუსი,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის