საქართველოს პარლამენტის ევროპასთან ინტეგრაციის კომიტეტის თავმჯდომარე ბრიუსელშია. მაკა ბოჭორიშვილი შეხვედრებს ევროპასთან ინტეგრაციის კომიტეტის თავმჯდომარის პირველ მოადგილე ლევან ქარუმიძესთან ერთად მართავს.

ქართული მხარე კოლეგებს გატარებულ რეფორმებს აცნობს, ვიზიტის ფარგლებში, მაკა ბოჭორიშვილი ბელგიის, ესპანეთის, ლიეტუვის და უნგრეთის წარმომადგენლებს შეხვდება. მოლაპარაკებების მთავარი თემა კანდიდატის სტატუსი და ქვეყნის ევროინტეგრაციაა.

"მნიშვნელოვანი პროცესი იწყება ევროკომისიაში, საქართველოს მიერ გადადგმული ნაბიჯების შესახებ უნდა გაკეთდეს ანგარიში, მომზადდეს ევროკომისიის შეფასება, რამაც უნდა შექმნას საფუძველი პოლიტიკური გადაწყვეტილებისთვის დეკემბერში. შესაბამისად, მნიშვნელოვანია, ამ პერიოდში ჩვენს პარტნიორებთან, ევროკომისიის შესაბამის სამსახურებთან აქტიური კომუნიკაცია და კავშირი, საქართველოს მიერ გადადგმული ნაბიჯების შესახებ სრული ინფორმაციის მიწოდება. ასევე, ევროკავშირის გაფართოებასთან დაკავშირებულ საკითხებზე მათი მოსაზრებების მოსმენა და რა მოლოდინები შეიძლება გვქონდეს, როგორც შეფასების კუთხით, ასევე პოლიტიკური გადაწყვეტილების კუთხით, რომელიც დეკემბერში უნდა მიიღონ საქართველოსთან დაკავშირებით,"- განაცხადა მაკა ბოჭორიშვილმა.

მისი თქმით, პარლამენტის მხრიდან 12 რეკომენდაციაზე მუშაობა პრაქტიკულად დასრულებულია. პროცესი საკმაოდ ფართოა, ასევე ფართოა რეკომენდაციებიც.

„ჩვენთვის მნიშვნელოვანია, ევროკომისიასთან განსაკუთრებულად აქტიურად ვიმუშაოთ, მივაწოდოთ ის ინფორმაცია, რაც საქართველომ ამ დრომდე 12 რეკომენდაციის შესრულების კუთხით გააკეთა და რაც მნიშვნელოვანი პროგრესია. საკანონმდებლო კუთხით, პარლამენტის მხრიდან შეგვიძლია ვთქვათ, რომ 12 რეკომენდაციაზე მუშაობა პრაქტიკულად დასრულებულია. პროცესი რა თქმა უნდა საკმაოდ ფართოა, ასევე ფართოა რეკომენდაციებიც. მნიშვნელოვანია ვიცოდეთ უკვე გადადგმული ნაბიჯების შეფასება ევროკავშირის მხრიდან“ - განაცხადა მაკა ბოჭორიშვილმა.

ავტორი: NS (სტატია დაფინანსებულია),

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის