ადრეული გაფრთხილების ერთიანი სისტემა მოიცავს რამდენიმე კომპონენტს, მათ შორის,  ჰიდროლოგიურ კვლევებთან და კომპონენტებთან ერთად, ერთ-ერთ მთავარ კომპონენტად მოიცავს წყლის მონიტორინგის სისტემას. ასეთი 200-მდე ობიექტია დამონტაჟებული, მათ შორის, რაჭა-ლეჩხუმის რეგიონში წყლის მონიტორინგის სისტემის 20 ობიექტია დამონტაჟებული. ეს არის ერთ-ერთი  მთავარი ფაქტორი, რამაც შემდეგ ერთიანი გაფრთხილების სისტემას ანალიზის საშუალება უნდა მისცეს და ამან უნდა იმუშაოს, - ამის შესახებ „ქართული ოცნების“ აღმასრულებელმა მდივანმა, მამუკა მდინარაძემ ჟურნალისტებს შოვის ტრაგედიაზე საუბრისას განუცხადა.

მდინარაძის თქმით, სპეკულაციები, რომ საფრთხის თავიდან აცილება შესაძლებელი იყო, სიმართლეს არ შეესაბამება, ვინაიდან მთავარი ადრეული გაფრთხილების სისტემის ერთ-ერთი მთავარი კომპონენტის - წყლის დონის ცვლილება, წყალმზომებს არ დაუფიქსირებიათ.

„იაპონია, ჩინეთი ტექნოლოგიური თვალსაზრისით არიან ზენიტში, თუ რამე შეიძლება, ყველა ტექნიკა აქვთ და შესაბამისად ვიცით, რომ ისინი ძალიან დიდ პროცენტს ვერ იცილებენ თავიდან, ევაკუაციას ვერ ახერხებენ. ძალიან დიდი უბედურებები ხდება ყველგან, მათ შორის, ჩვენგან გაცილებით მაღალ ტექნოლოგიურ ქვეყნებში. როცა თანდართვა ხდება რამდენიმე სტიქიური მოვლენის, შეუძლებელია ამის პროგნოზირება.

თუ წყლის კომპონენტთან დაკავშირებით რამე კითხვის ნიშანი არ არის, ადრეული გაფრთხილების სისტემა მთელ საქართველოში, ყველა მდინარეზე რომ ყოფილიყო დაყენებული, ამ შემთხვევაში ვერ იმუშავებდა იმიტომ, რომ გვაქვს მონაცემები, რომლის მიხედვითაც, წყლის მონიტორინგის სისტემაში წყალმზომებს არ დაუფიქსირებიათ მატება ან კლება. ეს მთავარი კომპონენტია და ამაში გავერკვიე ბოლო ორი დღის განმავლობაში, მას შემდეგ, რაც კითხვები გაჩნდა თქვენი მხრიდან. აღმჩონდა, რომ რა სისტემაც არ უნდა ყოფილიყო დაყენებული, თუ ამ კომპონენტში ვერ დაფიქსირდებოდა რამე ცვლილება, ანალიზი შეუძლებელი იყო. შესაბამისად, რამე საფრთხის აცილება, ევაკუაცია ან რასაც თქვენ საუბრობთ და ატყუებთ საზოგადოებას, იყო შეუძლებელი“, - უთხრა მდინარაძემ ჟურნალისტებს.

ავტორი: NS (სტატია დაფინანსებულია),

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა