2023-08-01 16:03:49, 5462 ნახვა
Lifestyle
მსახიობი ანგუს კლაუდი 25 წლის ასაკში გარდაიცვალა
ამერიკელი მსახიობი სერიალ "ეიფორიის" ვარსკვლავი ანგუს კლაუდი 25 წლის ასაკში გარდაიცვალა. როგორც ოჯახის განცხადებაშია აღნიშნული ის დაამწუხრა მამის გარდაცვალებამ, რომელიც მსახიობმა გასულ კვირას ირლანდიაში დაკრძალა.
ანგუს კლაუდი გარდაიცვალა საკუთარ სახლში ოკლენდში, კალიფორნია.
გარდაცვალების მიზეზი არ სახელდება. გავრცელებული ინფორმაციით, მსახიობი მამის გარდაცვალებამ ძალიან დაამწუხრა და დეპრესიაში ჩააგდო.
კლაუდმა ითამაშა ნარკოდილერ ფესკოს როლი HBO დრამის 17 ეპიზოდში.
ოჯახის განცხადებაში ნათქვამია: ”ანგუსი ღიად საუბრობდა მისი ფსიქიკური ჯანმრთელობის საკითხებთან დაკავშირებით და ვიმედოვნებთ, რომ მისი გარდაცვალება იქნება შეხსენება სხვებისთვის, რომ ისინი მარტო არ არიან და არ უნდა იტანჯონ ჩუმად.”
ავტორი: ექსპრესნიუსი,
epn.ge (@expressnews.ge)
