კომპანია „იბერკომპანი“ რაჭაში მეღვინეობის დარგში ინვესტირებას გეგმავს

2015-02-09 16:03:55, 3063 ნახვა

ეკონომიკა

საქართველოს ფინანსთა მინისტრი ნოდარ ხადური კომპანია „იბერკომპანის“ წარმომადგენლებს შეხვდა.

ფინანსთა სამინისტროს ინფორმაციით, „იბერკომპანი“ მიმდინარე და მომავალ წელს რაჭაში უნიკალური მეღვინეობის ტრადიციის აღსადგენად ინვესტიციების ჩადებას გეგმავს.

სტუმრებმა ფინანსთა მინისტრს გააცნეს გეგმა, რომლის მიხედვითაც, რეგიონში ვაზის უნიკალური ჯიშების გაშენება, ღვინის ქარხნისა და სასტუმროს მშენებლობა, აგრეთვე ღვინის ტურიზმის მიმართულების განვითარება იგეგმება. კომპანიის წარმომადგენელთა განცხადებით, წელს ისინი ასევე გეგმავენ გაფართოვებას ნავთობისა და უძრავი ქონების ბიზნესის კუთხითაც.

როგორც ფინანსთა მინისტრმა აღნიშნა, მსგავსი ტიპის ინვესტირება ხელს შეუწყობს რეგიონის სოციალურ -ეკონომიკურ განვითარებას, ადგილობრივი მოსახლეობის დასაქმებას.

შეხვედრას ასევე მინისტრის პირველი მოადგილე, შემოსავლების სამსახურის უფროსი გიორგი თაბუაშვილი დაესწრო.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან