მე მინდა, მივმართო ხელისუფლებას, რომ არ შეიძლება ასე ეთამაშოთ თქვენს, ხალხს, არ შეიძლება ასე აღიზიანებდეთ თქვენს ხალხს, - ამის შესახებ საქართველოს პრეზიდენტმა, სალომე ზურაბიშვილმა განაცხადა.

მისივე თქმით, ყვარელში მომხდარი ფაქტი და პირდაპირი ფრენების საკითხი არის ქართველი ხალხის შეურაცხყოფა, რომლებმაც კარგად იციან თუ როგორ უნდა დაიცვან ღირსება და დამოუკიდებლობა.

"მე მინდა, მივმართო ხელისუფლებას, რომ არ შეიძლება ასე ეთამაშოთ თქვენს, ხალხს, არ შეიძლება ასე აღიზიანებდეთ თქვენს ხალხს. ჯერ დაიწყო ფრენები და ვიღაცები დადიან, გვეუბნებიან, გვიხსნიან, თუ რამდენად გახარებულები არიან იმით, რომ ფრენები აღდგა. ეს არის შეურაცხყოფა ქართველი ხალხის, რომელმაც ძალიან კარგად იცის, როგორ უნდა დაიცვას თავისი ღირსება, თავისი დამოუკიდებლობა და არავის საჩუქრები არ სჭირდებათ მათ, არავისგან და პირველ რიგში, არა იმ ქვეყნისგან, რომელიც არის ჩვენი მუდმივი ოკუპანტი, არა დღეს, გუშინ, გუშინწინ", - განაცხადა ზურაბიშვილმა.

შეგახსენებთ, დღეს ყვარლის ტბასთან აქციაზე, სადაც აქტივისტები ლავროვის ოჯახის დასანქცირებული პირების კახეთში გასამართ ქორწილს აპროტესტებდნენ, პოლიციამ ადმინისტრაციული წესით 16 ადამიანი დააკავა. 

ავტორი: ექსპრესნიუსი,

სოციალური ქსელები

ენერგეტიკული კოლაფსი რუსეთში: უკრაინული დარტყმების ფონზე ,,გაზპრომმა” მუშაობა შეწყვიტა

ნაუსედა: ჩვენ გვაქვს სადაზვერვო ინფორმაცია, რომ რუსეთი ლიეტუვის ინფრასტრუქტურაზე თავდასხმებს გეგმავს

დღეს უკრაინის სახელმწიფოებრიობის დღეა - კიევი საერთაშორისო პარტნიორებს მასპინძლობს

ზურა ჯაფარიძეს ავტომობილი დაეჯახა - პოლიტიკოსი კლინიკაშია გადაყვანილი