დროებით ოკუპირებული ცხინვალის ე.წ სახელმწიფო უსაფრთხოების კომიტეტის (კგბ) ცნობით, მხოლოდ 2023 წლის აპრილში ე.წ. საზღვრის სხვადასხვა მონაკვეთზე 45 "კანონდამრღვევი" დააკავეს.

მათი ცნობით, დაკავებულთაგან 21 ადამიანმა "სახელმწიფო საზღვარი", ხოლო 24-მა სასაზღვრო რეჟიმი დაარღვია.

"სახელმწიფო საზღვარზე არსებული ადმინისტრაციულ-სამართლებრივი რეჟიმების დამრღვევებთან მიმართებაში ჩატარებული პროცედურული ღონისძიებების შედეგად, გამოყენებული იქნა ადმინისტრაციული ღონისძიებები, რა დროსაც, 25 ადამიანს ადმინისტრაციული ჯარიმა დაეკისრა, 3-ს ადმინისტრაციული გარიცხვა ჯარიმით, 15-მა გაფრთხილება მიიღო, ხოლო 2 პირს კი ადმინისტრაციული წარმოება შეუწყდა.

"სამხრეთ ოსეთის" რესპუბლიკის კგბ-ს საზღვრის დაცვის სამსახური აცნობებს რესპუბლიკის მოქალაქეებს და სტუმრებს, რომლებიც რესპუბლიკაში ვიზიტს გეგმავს, საიდენტიფიკაციო დოკუმენტების ქონის (პასპორტის, ID ბარათის, მცირეწლოვნებისთვის დაბადების მოწმობის და უცხო ქვეყნის მოქალაქეებისთვის - საზღვრის კვეთის უფლების) აუცილებლობაზე",- აღნიშნულია განცხადებაში.

ცნობისთვის, უკანონო დაკავების ბოლო ფაქტი, გუშინ, 11 მაისს დაფიქსირდა. საოკუპაციო ძალების წარმომადგენლებმა საქართველოს მოქალაქე უკანონოდ გორის მუნიციპალიტეტის სოფელ მეჯვრისხევის მიმდებარედ ოკუპირებულ ტერიტორიაზე დააკავეს.

ავტორი: ექსპრესნიუსი,

სოციალური ქსელები

თიბისი კაპიტალმა მაკროეკონომიკური განახლება გამოაქვეყნა

სუხიშვილების ღია სცენა თაკარა ახალი პროგრამით ბრუნდება, ღონისძიებების მხარდამჭერია SOLO (რ)

STEM განათლება მთელი საქართველოსთვის - BOG-ისა და კომაროვის ერთობლივი პროექტი

მაკა ბოჭორიშვილი მარკო რუბიოს მიწვევით ვაშინგტონში მინისტერიალში მიიღებს მონაწილეობას