გარდაცვლილი თამარ ბაჩალიაშვილის ყოფილი გამომძიებელი, სერგო შუბითიძე "შაბათის ფორმულასთნ" მიცემული ინტერვიუს გამო პროკურატურაში გამოკითხვაზე დაიბარეს. ამის შესახებ "უფლებები საქართველოს" იურისტმა, მარიამ მაღრაძემ ტელეკომპანია "ფორმულასთან" საუბრისას განაცხადა.

მარიამ მაღრაძის თქმით, სერგო შუბითიძე ხვალ 14:00 საათზე საგამოძიებო უწყებაში უნდა გამოცხადდეს და შესაძლებელია, რომ პროკურატურამ საქმის განხილვა თავიდან დაიწყოს.

"ხვალ არის დაბარებული. შესაძლებელია რომ [მაგისტრი მოსამართლის] თანდასწრებით მოხდეს გამოკითხვა. შესაძლებელია რომ [პროკურატურამ საქმის განხილვა თავიდან დაიწყოს]", - განაცხადა მარიამ მაღრაძემ.

შეგახსენებთ, „შაბათის ფორმულასთან“ ინტერვიუში ყოფილმა გამომძიებელმა, სერგო შუბითიძემ განაცხადა, რომ თამარ ბაჩალიაშვილის საქმესთან დაკავშირებით, ბევრი საეჭვო გარემოებაა. 

შუბითიძეს ბაჩალიაშვილის თვითმკვლელობის ვერსიის არ სჯერა და ამბობს, რომ საქმე, შესაძლოა, გაყალბებული იყოს. 

თამარ ბაჩალიაშვილი 2020 წლის 18 ივლისს გაუჩინარდა. 23 წლის პროგრამისტი რამდენიმედღიანი ძებნის შემდეგ, თეთრიწყაროს ტყეში, საკუთარ მანქანაში გარდაცვლილი იპოვეს. გამოძიების ინფორმაციით, ბაჩალიაშვილმა სიცოცხლე თვითმკვლელობით დაასრულა. აღნიშნული დასკვნით საქმე დაიხურა.

ავტორი: ექსპრესნიუსი,

სოციალური ქსელები

უკრაინამ ევროკავშირის €90-მილიარდიანი სასესხო პაკეტიდან პირველი €3.2 მილიარდი მიიღო

ნაძალადევის გამგეობა: სკვერში მოზარდებმა ატრაქციონი დააზიანეს, დაშავდა 1 მოზარდი

ისწავლე საზღვარგარეთ საქართველოს ბანკის სტიპენდიით - მოსწავლეებისთვის შექმნილ საერთაშორისო პროგრამაზე მიღება მალე დაიწყება

CPJ: მოვუწოდებთ ოცნებას, შეწყვიტოს ფორმულას წინააღმდეგ სისხლის სამართლის საქმის გამოძიება