რუსეთის პრეზიდენტმა, ვლადიმერ პუტინმა ხელი მოაწერა განკარგულებას საზღვარგარეთ რუსული აქტივების ჩამორთმევის წინააღმდეგ საპასუხო ზომების განხორციელების შესახებ. შესაბამისი განკარგულება რუსული საკანონმდებლო ორგანოს საიტზე უკვე გამოქვეყნდა.

დოკუმენტის მიხედვით, იმ შემთხვევაში, თუ „არამეგობრულ ქვეყნებში“ რუსეთის მოქალაქეებს საკუთრებაზე უფლებები შეეზღუდებათ ან ჩამოერთმევათ, ამ ქვეყნების მოქალაქეების იმ საკუთრებებზე, რომელიც რუსეთშია დროებით გარე მენეჯმენტის წესი გავრცელდება.

დოკუმენტის მიხედვითვე, დროებითი მართვა შეიძლება შეეხოს მოძრავ და უძრავ ქონებას, ფასიან ქაღალდებს, აქციებს საწესდებო კაპიტალებში, აგრეთვე ქონებრივ უფლებებს.

„დროებით მართვასთან დაკავშირებული ხარჯების დაფინანსება ხორციელდება მისი სარგებლობიდან მიღებული შემოსავლის ხარჯზე“,- ნათქვამია განკარგულებაში.

აღსანიშნავია, რომ უცხოური აქტივების სიაში, რომლებიც საზღვარგარეთ რუსული აქტივების ჩამორთმევის გამო რუსეთის ფედერალური ქონების მართვის სააგენტოს მხრიდან დროებით მენეჯმენტს დაექვემდებარება, უკვე შევიდა ორი კომპანია: Fortum (98%-ზე მეტი) და Unipro (83%-ზე მეტი).

ავტორი: ექსპრესნიუსი,

სოციალური ქსელები

პუტინის რეჟიმმა სუმს დაარტყა გარდაიცვალა 4 ადამიანი მათ შორის ბავშვი, დაიჭრნენ ბავშვები

ზელენსკი: ნიდერლანდები დათანხმდა სპეციალური ტრიბუნალის შექმნას რუსეთის აგრესიის გამოსაძიებლად

ტეილორ სვიფტი და ტრევის კილსი დაქორწინდნენ: ახალი ერა ამერიკის „სამეფო წყვილისთვის“ დაიწყო

პუტინი: კონსტანტინოვკას განთავისუფლებას სტრატეგიული მნიშვნელობა აქვს დემოკრატიული რესპუბლიკისთვის