დღეს ჩვენი ულამაზესი ცა უფრო დაცული ხდება, რადგან უკრაინაში Patriot-ის საჰაერო თავდაცვის სისტემები ჩამოვიდა, - ამის შესახებ უკრაინის თავდაცვის მინისტრი ოლექსეი რეზნიკოვი აცხადებს.

რეზნიკოვმა Twitter-ზე განცხადება გამოაქვეყნა და პარტნიორებს მადლობა გადაუხადა.

"იცით, როგორ მოახდინოთ ოცნების ვიზუალიზცია? ჩვენ უნდა ვუთხრათ ამის შესახებ მსოფლიოს და მივცეთ სიცოცხლე. ზუსტად ასე მოხდა Patriot-ებთან ჯერ კიდევ ფართომასშტაბიან ომამდე, ჩემი ცხოვრების ყველაზე მნიშვნელოვან თანამდებობაზე დანიშვნამდეც კი, ჩემი ცხოვრების ყველაზე მნიშვნელოვან დროს.

ეს არის ზუსტად ის, რაც მოხდა ჩემი ვიზიტის დროს შეერთებულ შტატებში 2021 წლის აგვისტოში, დროებით ოკუპირებული ტერიტორიების რეინტეგრაციის საკითხებში DPM-ის თანამდებობაზე ყოფნისას. სწორედ მაშინ ვუთხარი ჩვენს პარტნიორებს - ჩვენ გვჭირდება Patriot-ები. საფრთხე ემუქრება ჩვენი ქვეყნის თავისუფლებასა და დამოუკიდებლობას. და რა გავიგეთ? შეუძლებელია! მაგრამ შეუძლებელი შესაძლებელია.

დღეს ჩვენი ულამაზესი უკრაინის ცა უფრო დაცული ხდება, რადგან უკრაინაში Patriot-ის საჰაერო თავდაცვის სისტემები ჩამოვიდა. ჩვენმა საჰაერო დამცველებმა ისინი მაქსიმალურად სწრაფად აითვისეს. და ჩვენმა პარტნიორებმა შეასრულეს თავიანთი სიტყვა. ეს არის ჩვენი პრეზიდენტის შრომის შედეგი. მადლობა ჩემს კოლეგებს - ლოიდ ოსტინს, ბორის პისტორიუსს, კაისა ოლონგრენს, ამერიკელ, გერმანელ, ნიდერლანდელ ხალხს. ჩვენ ერთად გავიმარჯვებთ", - წერს რეზნიკოვი სოციალურ ქსელში. 

ავტორი: ექსპრესნიუსი,

სოციალური ქსელები

უკრაინამ ევროკავშირის €90-მილიარდიანი სასესხო პაკეტიდან პირველი €3.2 მილიარდი მიიღო

ნაძალადევის გამგეობა: სკვერში მოზარდებმა ატრაქციონი დააზიანეს, დაშავდა 1 მოზარდი

ისწავლე საზღვარგარეთ საქართველოს ბანკის სტიპენდიით - მოსწავლეებისთვის შექმნილ საერთაშორისო პროგრამაზე მიღება მალე დაიწყება

CPJ: მოვუწოდებთ ოცნებას, შეწყვიტოს ფორმულას წინააღმდეგ სისხლის სამართლის საქმის გამოძიება