„საქართველოს ბანკისთვის“ ბიზნესის მხარდაჭერა უცვლელი პრიორიტეტია, რადგან სწორედ  წარმატებული კომპანიები ქმნიან ქვეყნის ძლიერ ეკონომიკას. ბანკთან პარტნიორობით, გადამზიდავმა კომპანია „ტრანს ალიანს ფოთმა“, ავტოპარკის რაოდენობა გაზარდა, რაც მას სამომავლოდ, კიდევ უფრო მეტი ტვირთის გადაზიდვის შესაძლებლობას მისცემს.

პროექტის ჯამური ღირებულება 800 000 აშშ დოლარს შეადგენს, რაც სრულად  ბანკის მიერ დაფინანსდა.

„საქართველოს ბანკთან“ 2006 წლიდან ვთანამშრომლობთ და მათთან პარტნიორობით წელს ავტოპარკის რაოდენობის გაზრდა შევძელით. ბანკის ფინანსური დახმარებით გერმანიიდან ევრო 5-ის სტანდარტის მანქანები ჩამოვიყვანეთ, რომლებსაც თვეში 1000 ტონა ტვირთის გადაზიდვა შეუძლია. სამომავლოდ მანქანების დამატებას კიდევ ვგეგმავთ, ეს კი მეტი ტვირთის გადაზიდვის  შესაძლებლობას მოგვცემს“, - განაცხადა კომპანია „ტრანს ალიანს ფოთის“ დირექტორმა, გიზო  ჩიტიანმა.

 „კომპანია „ტრანს ალიანსი“ 17 წელია ჩვენი პარტნიორია და ჩვენთან ერთად არაერთი წარმატებული პროექტი განახორციელა. ის გამორჩეული, ეკომეგობრული გადამზიდავი კომპანიაა, რომლის ავტოპარკის 80 %-ზე მეტი სრულად აკმაყოფილებს ევრო 5-ის სტანდარტს. რაც იმას ნიშნავს, რომ მანქანები გამოყოფენ მინიმალური ოდენობის მავნე გამონაბოლქვს. შესაბამისად, გარემოს ნაკლებ ზიანს აყენებენ. მდებარეობიდან გამომდინარე, ფოთში საკმაოდ აქტუალურ საქმიანობას ტვირთების გადაზიდვა წარმოადგენს. ამას გარდა, პორტში აქტიურად მიმდინარეობს გაფართოებითი პროექტები, იზრდება ტვირთბრუნვა. კომპანიაც ფეხს უწყობს ამ ტემპს და დამატებით კიდევ 6 მანქანის შეძენას გეგმავს“, - განაცხადა „საქართველოს ბანკის“ კორპორაციული საბანკო მომსახურების დეპარტამენტის სექტორის უფროსმა, ზაზა ფიფიამ.

ინფორმაციისთვის, კომპანია „ტრანს ალიანსი“ 1998 წელს ფოთში დაფუძნდა, რომლის ძირითადი გადაზიდვები ფოთიდან სომხეთის მიმართულებით ხორციელდება. კომპანია ყველანაირი ტიპის გადაზიდვას ახორციელებს, თუმცა მის ძლიერ მხარეს სახმელეთო ნაწილი წარმოადგენს, რადგან „ტრანს ალიანს“ საკუთარი მანქანები  და გამოცდილი მძღოლები ჰყავს, რომლებიც ტვირთის უვნებლად გადაადგილებასა და მომხმარებლებისთვის ხარისხიან მომსახურებაზე არიან პასუხისმგებლები. კომპანიის მთავარი ოფისი ფოთში მდებარეობს, თუმცა წარმომადგენლობა აქვთ ასევე ბათუმშიც.

ავტორი: R (რეკლამა),

სოციალური ქსელები

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.

ზელენსკიმ განაცხადა, რომ რუსეთის წინააღმდეგ შორი დისტანციის დარტყმები მშვიდობას აახლოებს