საქართველოს ეროვნულმა  ბოტანიკურმა ბაღმა საკურას ყვავილობის აღსანიშნავად სტუმრებს უმასპინძლა. აღნიშნულ ინფორმაციას ქალაქ თბილისის მუნიციპალიტეტის მერია ავრცელებს.

მერიის ცნობით, საკურას ყვავილობის ღონისძიება ტრადიციული იაპონური ჩაის ცერემონიით გაიხსნა, რომელსაც საქართველოში იაპონიის ელჩის მეუღლე უძღვებოდა.

წლევანდელი ღონისძიების ფარგლებში, იაპონური ბაღის მიმდებარედ, ვარდისფრად და თეთრად მოყვავილე საკურას 25 ახალი ნერგი დაირგო.

ღონისძიებაზე წარმოდგენილი იყო ბოტანიკური ბაღის ბონსაის კოლექცია, თემატური ხელნაკეთი ნივთების, იაპონური ტრადიციული სამოსისა და ახალგაზრდა მხატვრების მიერ შესრულებული,  იაპონურ თემატიკის ნამუშევრების გამოფენა-გაყიდვა.

დამთვალიერებლებს ასევე ჰქონდათ  სუშის მომზადების მასტერკლასზე და იაპონური ტრადიციული საბრძოლო ხელოვნების წარმოდგენაზე დასწრების შესაძლებლობა.

ავტორი: NS (სტატია დაფინანსებულია),

სოციალური ქსელები

ტრამპმა პუტინთან და შემდეგ ზელენსკისთან „გუშინ“ ახალი საუბრის შესახებ განაცხადა

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.